Job Description
Published 10-03-2025
Deadline: 15-04-2025
Nynorskpraktikant i NRK
Vil du prøve deg som journalist og bruke nynorsk i NRK? Her får du lære alt du treng for å komme i gang med journalistikk på alle plattformer!
To gongar i året tar NRK inn fem talentfulle nynorskpraktikantar, som får opplæring og praksis i journalistikk på alle plattformer. Praktikantperioden er på seks månadar, der dei fire første månadane er i NRK i Førde og dei to siste i ein annan redaksjon i NRK.
Du treng ikkje utdanning eller erfaring med journalistikk for å vere med, for vi ser først og fremst etter talent og potensial. Du får praktikantløn i heile perioden.
Vi ser rett og slett etter deg som er nynorskbrukar, samfunnsengasjert og har talent for journalistikk!
Slik er opplegget
Ved NRK Nynorsk mediesenter i Førde får du opplæring og praksis i nyhendejournalistikk på nett, TV og radio. Som praktikant lagar du saker for nett, radio og TV i den daglege nyhendeproduksjonen i redaksjonen. Du får tett oppfølging frå faglærarar og journalistar i NRK Vestland og andre NRK-redaksjonar.
Praktikanthalvåret er delt i tre fasar. Dei første to månadane får du opplæring på alle plattformer, og du produserer saker for NRK under rettleiing av faglærarar. Dei neste to månadane får du praksis i nyhenderedaksjonen til NRK Vestland i Førde. Til slutt er det to månadar praksis i ein annan redaksjon i NRK.
Mediespråket er nynorsk.
Mange tidlegare praktikantar har no fast jobb i NRK eller andre mediehus. Nokon er programleiarar i NRK P1, P2 eller P3. Andre er nettjournalistar på NRK.no, og vi finn og tidlegare praktikantar som jobbar TV-reporterar eller i ulike roller på distriktskontor. Det er dessutan fleire i andre medium som TV 2, VG og lokalaviser.
Kvalifikasjonane dine
- Du har fullført vidaregåande utdanning.
- Det er ein fordel om du har førarkort for bil.
Dette ser vi etter
Vi leitar etter engasjerte og godt samfunnsorienterte folk, gjerne med fleirkulturell bakgrunn og frå ulike stadar i landet. Det skadar heller ikkje om du har ei utdanning eller ein yrkesbakgrunn få andre journalistar har, for all erfaring og kompetanse kan komme til nytte i journalistikken.
- Du er topp motivert for å bli journalist og bruke nynorsk.
- Du må vere interessert i det som skjer i samfunnet og følge med på nyhende.
- Du må ha stå-på-vilje og like utfordringar og høgt tempo.
- Du har handlekraft og god gjennomføringsevne.
- Du har eit levande og godt språk, og ønsker å fortelle dei gode historiene.
- Du likar å samarbeide og dele kunnskap med andre.
Noko av det vi tilbyr
- Unik opplæring i eit operativt nyheitsmiljø.
- Løn som praktikant i heile perioden.
- Aktive NRK-journalistar som lærarar.
- Det er ingen garanti for arbeid etter praktikanttida, men du blir rekna som intern NRK-søkjer i tre år etter avslutta opplæring.
- Eit pulserande og ungt praktikantmiljø. Vi held til i Nynorskhuset saman med mellom andre Nynorsk avissenter og Nynorsk scenespråksenter.
Send oss ein søknad!
Skriv ein søknad som fortel noko om deg sjølv og kvifor du søker. Det er viktig å legge attestar og vitnemål ved søknaden.
NRK treng nynorskpraktikantar både i riksredaksjonane i Oslo og i distriktsredaksjonane rundt omkring i landet. Det er derfor fint om du i søknaden skriv litt om kvar du kan tenke deg praksis.
Saman med søknaden sender du oss ei lenke til ein video, der du fortel om noko som har skjedd deg i det siste. Videoen skal vere på maks 60 sekund. Bruk gjerne wetransfer.com eller ei anna enkel delingsteneste. OBS: pass på at videoen er open for mottakar, slik at vi slepp å be om tilgang.
Les meir om stillingane og opplegget på https://nynorskmediesenter.no/
Kontaktinformasjon
Rune Fossum Lillesvangstu, Leiar, NRK Nynorsk mediesenter, 91874111, rune.fossum.lillesvangstu@nrk.no
Eva Marie Felde, Faglærar, NRK Nynorsk mediesenter, eva.marie.felde@nrk.no
Arbeidsstad
Storehagen 10
6800 Førde
Nøkkelinformasjon:
Arbeidsgivar: NRK
Referansenr.: 4932248786
Stillingsprosent: 100%
Praktikant
Startdato: 18.08.2025
Sluttdato: 27.02.2026
Søknadsfrist: 15.04.2025
DIVERSE INFO
| Arbeidsgiver | 3302 DVRR Nynorsk mediesenter, NRK orgnr: |
|---|---|
| Kort om arbeidsgiver |
NRK skal styrke demokratiet og samle og engasjere alle som bur i Noreg. Dei grunnleggande verdiane våre er å vere opne, modige og truverdige. For at vi skal lykkast med det omfattande oppdraget vi har fått som allmennkringkastar, treng vi medarbeidarar med forskjellig erfaring og bakgrunn. Vil du jobbe saman med oss for å skape godt og viktig innhald som treffer alle som bur i landet vårt? NRK er omfatta av Offentleglova sine paragrafar om rett til innsyn i søkjarlister. Søkjar må grunngje eventuelt ønske om unntak. Dersom unntak ikkje blir akseptert, vil søkjar bli varsla og kan eventuelt trekkje søknaden. |
| Webside | http://www.nrk.no/ |
| Bransje | Kultur og kreative yrker |
| Yrke | Journalistikk, kommunikasjon og litteratur |
| Sted | FØRDE (Adresse: Storehagen 10 Postnr: 6800) |
| Stillingstype | Trainee Heltid Antall stillinger: 5 |
| Sektor | |
| Krav | Unknown |
| Tiltredelse | 18-08-2025 |
| Søknadsfrist | 15-04-2025 |
