Lyst til å arbeida som lege med fri kvar kveld og helg? – Voss herad Institusjonslege
Uoppgitt/ ikke identifiserbare Ikke identifiserbare(2 weeks ago)
Job Description
Published 09-09-2024
Deadline: 04-10-2024
Lyst til å arbeida som lege med fri kvar kveld og helg?
Me har ledig 100% fast stilling ved Voss sjukeheim. Det er mogleg å dela denne stillinga mellom 50 % institusjonslege og 50 % fastlege ved Voss legekontor. Det må i tilfelle påreknast legevaktsarbeid i fastlegedelen.
Sjukeheimsmedisin er både spanande og krevjande med eit stadig meir komplekst sjukdomsbilete hjå pasientane.
Me vil leggja til rette for at den som ynskjer det, kan verta spesialist i allmennmedisin. Institusjonsteneste kan gje teljande teneste i spesialiseringsløpet.
Om arbeidsplassen:
Voss sjukeheim er den største sjukeheimen i Voss herad, sjukeheimen ligg vegg i vegg med Voss sjukehus. Sjukeheimen har i dag ei stor kortidsavdeling, i denne avdelinga finn ein også dei tre kommunale ØH sengene. I tillegg er det ei avdeling for dei bebuarane som har langtidsplass.
Det er eit godt fag- og arbeidsmiljø ved sjukeheimen, med flinke medarbeidarar som ynskjer å utføre god fagleg behandling. Institusjonslegane vikarierer for kvarandre ved ferieavvikling, kursverksemd eller anna fråvær.
Me tilbyr:
- løn etter lokal avtale og elles tilsetjing på vanlege kommunale vilkår
- gode forsikrings- og pensjonsordningar
- dagarbeidstid
- deltaking i legevaktsarbeid og legevakt om du ynskjer, men ikkje pålagt vaktarbeid, unnatak frå dette er dersom deler av stillinga er som fastlege
Kvalifikasjonar:
- norsk autorisasjon som lege
- det er ein fordel om du er spesialist i allmennmedisin, er i spesialisering, eller har ein relevant sjukehusspesialitet (for eksempel indremedisin inkl. greinspesialiteter)
- har gode norskkunnskapar både skriftleg og munnleg
- førarkort klasse B
- dersom deler av stillinga som fastlege, må den som vert tilsett ha rett til å motta trygderefusjon
Me ynskjer deg som:
- likar ein hektisk arbeidskvardag
- er interessert i sjukeheimsmedisin og fagutvikling
- både er sjølvstendig og arbeidar godt i tverrfaglege team
- har gode evner til samhandling og kommunikasjon
- er ansvarleg og løysingsorientert
- er fleksibel og utviklingsorientert
Arbeidsoppgåver:
- overordna ansvar for å sikra legetenester av god kvalitet i sjukeheim
- undersøking, diagnostikk, behandling og oppfølging av pasientar
- samtalar med pasientar og pårørande
- tverrfagleg samarbeid
- legemiddelgjennomgang
- fagutvikling og internundervisning inkludert rettleiing av LIS1 som har teneste ved sjukeheimen
Godkjent politiattest må leggjast fram før tiltreding i stillinga.
Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
Ver vennleg og legg ved vitnemål og attestar som vedlegg til søknaden.
Link til søknadsskjema: Søk her
DIVERSE INFO