Job Description
Published 19-11-2024
Deadline: 01-12-2024
Lærar – 100% vikariat – Radøy ungdomsskule
Om stillinga
Radøy ungdomsskule søkjer ein dyktig og engasjert lærar til eit 100% vikariat frå 06.02.2025-31.07.2025.
Du vil få mogelegheit til å bli ein del av eit aktivt læringsmiljø som jobbar målretta for elevane sin trivsel og utvikling.
Radøy ungdomsskule ligg sentralt på Manger med nærleik til flott natur. Skulen har 28 tilsette som brenn for å skape ein god læringsarena for våre flotte elevar.
Arbeidsoppgåver
I denne rolla vil du få moglegheita til å utøve verdas beste og viktigaste jobb – undervisning!
Du vil vere med på å skape eit inkluderande og støttande skulemiljø der elevane trivst og lukkast. Saman med vårt engasjerte team vil du samarbeide om felles skuleutvikling og bidra til å leggje til rette for eit sterkt samarbeid mellom skulen og heimen.
Til stillinga ligg og kontaktlæraransvar.
Kvalifikasjonskrav
Godkjent lærarutdanning for 5.-10.trinn i samsvar med kompetanseforskrifta.
Det er ønskjeleg med kompetanse i norsk, samfunnsfag, krle, kroppsøving og naturfag.
Personlege eigenskapar:
Vi verdset eigenskapar som evna til å byggje sterke relasjonar til både born og vaksne. Fleksibilitet, løysingsorientering og samarbeidsvilje er viktige eigenskapar for å trivast i vårt dynamiske miljø. Du har høge ambisjonar for elevane, kollegaene og deg sjølv, og set alltid elevane sin trivsel og læring først. Din positive haldning og gode humør vil bidra til ein inspirerande og energisk arbeidsplass.
I tråd med opplæringslova vert det stilt krav om politiattest ved tiltrede
Vi tilbyr
- Ein spennande og variert arbeidskvardag i eit inkluderande og utviklingsorientert miljø.
- Gode rammevilkår og tett samarbeid i eit sterkt fagmiljø
- Løn etter avtaleverket, som reflekterer dine kvalifikasjonar og erfaring
Har du eit stort engasjement for ungdom og eit ønske om å utgjere ein skilnad?
Då håper vi du søkjer stillinga!
Vi ser fram til å ønskje deg velkommen som ein verdifull tilvekst til vårt lærarteam.
DIVERSE INFO
| Arbeidsgiver | Alver kommune orgnr: 988240818 |
|---|---|
| Kort om arbeidsgiver |
Alver kommune – Ein spennande organisasjon for engasjerte og kompetente medarbeidarar! Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare. Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Vi er også stolte av å huse verdas beste korps og vere vertskap for eit rikt kulturliv. Vi verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Vi legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen. Bli med på vårt eventyr i Alver kommune, der vi søkjer etter dedikerte og dyktige menneske som ønsker å vere ein del av vår felles suksesshistorie. Vi ser fram til å ønskje deg velkommen og gi deg ei meiningsfull og givande karriere hos oss. |
| Webside | https://www.alver.kommune.no/ |
| Bransje | Utdanning |
| Yrke | Grunnskole |
| Sted | MANGER (Adresse: Idrettsvegen 15 Postnr: 5936) |
| Stillingstype | Vikariat Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 01-12-2024 |
