Koordinator for FORUM FOR OPPVEKST I SUNNHORDLAND

Om stillinga

Forum for Oppvekst i Sunnhordland (FOS) er eit regionalt samarbeidsorgan innan oppvekstsektoren for kommunane Bømlo, Etne, Fitjar, Kvinnherad, Stord og Sveio.

FOS har til føremål å fremja læring og utvikling for barn og unge, ved å samarbeida om oppgåver innanfor oppvekstsektoren. FOS skal leggja til rette for samhandling og kompetansetiltak på tvers av kommunegrensene. FOS-samarbeidet er kjenneteikna av tett samarbeid mellom medlemskommunane og andre eksterne aktørar som t.d. høgskular, statsforvaltar, andre regionsamarbeid, mfl.

Me har ledig opp til 60% stilling frå 01.08.2025. . Det kan vera mogleg å kombinera stillinga med noko ein har eller auka opp til 100% etter avtale i den kommunen ein blir tilsett i.

Koordinatoren vil ha ei operativ, praktisk og organiserande rolle der ein mellom anna vil ha ansvar for å støtta og driva prosessar i FOS.

Arbeidsoppgåver

Koordinera all verksemd i FOS i tett samarbeid med styringsgruppa og dei andre undergruppene

· Vera pådrivar og planleggja, følgja opp, evaluera og vidareutvikla kompetanseordningane i FOS

· Vera bindeledd og relasjonsbygger opp mot eksterne samarbeidspartar

· Bidra aktivt til å utvikla gjensidige og forpliktande partnarskap i regionen

· Budsjett og økonomioppfølging i FOS-samarbeidet

Fast arbeidsstad og formell arbeidsgjevar vert avtala ved tilsetjing og vil ta omsyn til den tilsette sin bustad og ønskjer. Alle dei seks kommunane i samarbeidet kan vera aktuelle som arbeidsstad/arbeidsgjevar. Den som vert tilsett må rekna med noko reiseverksemd.

Kvalifikasjonar

· Søkjar må ha høgare utdanning

· Det er ein fordel om du har erfaring frå offentleg sektor, gjerne oppvekstsektoren

I tillegg til formell kompetanse og erfaring vil det også bli lagt vekt på at søkjaren er personleg eigna til stillinga.

Me ynskjer ein koordinator som 

· tar ansvar, er sjølvstendig, initiativrik og har god gjennomføringsevne

· formulerer deg godt, både skriftleg og munnleg

· har gode samarbeidsevner og relasjonelle ferdigheiter

Vi tilbyr

· Spennande oppgåver i samspel med utviklingsorienterte kommunar

· Fleksibel arbeidstid

· Offentleg pensjonsordning

· Løn etter avtale

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/3011e6f2-b6e4-4a0c-b052-e83d8c4dca98
IMPORTAPI
https://www.jobbnorge.no/ledige-stillinger/stilling/276106