Kontrollør sal, skjenking og tobakk

Me søkjer kontrollør til ledig deltidsstilling i avdeling for Alkohol og servering. Stillinga er ledig frå snarast. 

Me er i dag 4 erfarne kontrollørar + vikarar. Det vert gjeve full opplæring og ein arbeider alltid saman med ein annan kontrollør.

Arbeidsoppgåver

• Kontrollera at sal av alkohol og tobakk, og skjenking av alkohol, går føre seg etter gjeldande reglar og lovverk. 
• Turnusarbeid i 13 vekers turnus, med helgearbeid ca. kvar 3. helg. Mesteparten av arbeidet skjer på kveld og natt. Nokre kontrollar skjer på dagtid (ved kontroll av salsløyver og tobakk). 
• Eininga har kontrollansvar for heile Hardanger, Voss, Vaksdal, Fusa og Samnanger.
• Den som vert tilsett må rekna med å starta og avslutta arbeidet i Norheimsund.

Kvalifikasjonar

• Førerkort for bil er nødvendig
• Gode norskkunnskaper, både skriftleg og munnleg
• Den som får tilbod om jobb, må bestå kunnskapsprøven for kontrollørar 
• Den som vert tilsett må ha eit tydeleg og avklart forhold til eigen alkoholbruk, og ha utvist uklanderleg vandel i forhold til alkohollova, forskriftar og andre lovar som har samanheng med formålet i alkohollovgjevinga.

Personlege eigenskapar

• Kan arbeida sjølvstendig og i team
• Evne til å ta initiativ
• God evne til observasjon
• Er nøyaktig 
• Er fleksibel og ansvarsbevisst
• Er omgjengeleg og har eit godt humør, sjølv på lange turar nattetid

Vi tilbyr

• Du får ein jobb med variert arbeid i eit triveleg og uformelt arbeidsmiljø
• Løn etter gjeldande tariffavtale og lokalt lønssystem
• Gode offentlege pensjons- og forsikringsordningar
• Full opplæring som kontrollør 

Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn.

I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta.

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.

Kontaktinformasjon

Nils Anders Bolstad, Leiar Alkohol og servering, +47 995 25 120

Arbeidsstad

Grovagjelet 16
5600 Norheimsund

Nøkkelinformasjon:

Arbeidsgivar: Kvam herad

Referansenr.: 4854711195
Stillingsprosent: 15%
Fast
Søknadsfrist: 22.09.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/7dc9932a-52c9-4a31-ba96-1e4bc4c52790
IMPORTAPI