Job Description
Published 18-03-2025
Deadline: 28-04-2025
Konsulent Landbruk
Landbruk og Miljø
Eining Landbruk og Miljø har ansvaret for jord, skog og vilt. Vi er tre tilsette inkludert leiar. Eininga ligg til Teknisk forvalting og plan, som saman med Plan, Byggesak og Kart- og oppmåling er 15 tilsette inkludert leiar.
Stillinga
Vi søkjer etter rådgjevar eller konsulent i 100 % fast stilling. Stillinga er ledig frå 1. mai 2025.
Arbeidsoppgåver
- Rettleiing og handsaming av aktuelle tilskotsordningar, og kontroll- og tilsynsoppgåver
- Rettleiing og handsaming av lovverket innan skogbruk
- Oppdatering av AR5
- Oppfølging og kontakt med landbruksnæringa i Osterøy kommune
- Avhengig av kompetanse hjå den som vert tilsett, kan andre oppgåver innan landbruk og miljø bli lagt til stillinga
Kvalifikasjonar
- Relevant utdanning på høgskulenivå innan landbruksfag, agronteknikk, eller anna relevant fagområde for stillinga
- Relevant erfaring frå fagområdet kan kompensere for relevant utdanning, til dømes innsikt og erfaring med praktisk jordbruk
- God kjennskap til offentleg landbruksforvaltning og tilskotsordningane på fagområdet
- Erfaring frå offentleg sakshandsaming- og vedtaksprosessar er ønskjeleg, men nyutdanna vert òg oppmoda til å søkje
- Gode norskkunnskapar, skriftleg og munnleg
- Førarkort klasse B
Personlege eigenskaper
- Sterk evne til å arbeide sjølvstendig, med god struktur og ansvarskjensle for eigne oppgåver
- Tek initiativ og styrer framdrift i prosjekt og saker
- Dyktig på å etablere gode relasjoner internt og eksternt
- Trivst med samarbeid og kan handtere fleire oppgåver parallelt
Personlege eigenskaper vil bli vektlagd.
Vi tilbyr
- Tverrfagleg arbeidsmiljø med erfarne kollegaer
- Fleksibel arbeidstid
- Offentleg tenestepensjon hjå KLP
- Gode forsikringsordningar
- Lønn etter gjelande tariffavtale
Generelle opplysningar
Du sender søknad, CV, atteser/tjenestebevis og vitnemål elektronisk via lenken “Søk stillingen” på denne siden.
Har du spørsmål om utfylling av elektronisk søknad, kan du kontakte Jobbnorge på telefon 75 54 22 20.
Mangfald er viktig for Osterøy kommune. Alle som er kvalifiserte blir oppmoda til å søkje hjå oss.
DIVERSE INFO
| Arbeidsgiver | Osterøy kommune orgnr: 974546531 |
|---|---|
| Kort om arbeidsgiver |
Osterøy kommune – Nær byen, nær naturen. Osterøy, ei av Nord-Europas største innlandsøyer, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet er på om lag 8 000 innbyggjarar og det er både bru- og ferjesamband til nabokommunen Bergen. Frå Lonevåg sentrum, kommunesenteret vårt, tar køyreturen til Bergen om lag 45 minutt, til Åsane tar det om lag 30 minutt og til Arna kjem du på om lag 20 minutt. I tillegg til Lonevåg har ein og Valestrand, Haus, Fotlandsvåg og Bruvik som større bygder/tettstadar. Osterøy har ein allsidig og livskraftig småindustri innan mekanisk, møbel, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset om lag 300 personar og tømraryrket står framleis høgt i kurs her på Osterøy. I Osterøy skal det vere godt å bu både for unge og eldre. Kommunen har eit rikt kulturliv, ulike idrettsaktivitetar, godt utbygd skule- og barnehagetilbod og gode helse- og sosiale tenester. Bli med på laget i Osterøy kommune! Me ønskjer oss stadig fleire kompetente og engasjerte medarbeidarar. Me ser fram til å ta godt i mot deg og gje deg ein meiningsfull arbeidskvardag. |
| Webside | https://www.osteroy.kommune.no/ |
| Bransje | Natur og miljø |
| Yrke | Jordbruk og dyrehold |
| Sted | LONEVÅG (Adresse: Geitaryggen 8 Postnr: 5282) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 28-04-2025 |
