Job Description
Published 21-11-2024
Deadline: 16-12-2024
IT-driftsteknikar
Om stillinga
Ved Høgskulen i Volda er det ledig fast 100 % stilling som IT-teknikar frå 01.02.2025.
Arbeidsoppgåver vil omfatte brukar- og driftsstøtte til studentar og tilsette.
Høgskulen i Volda brukar m.a. Windows- og Linux-serverar, Microsoft 365, Teams og VMware. På nettverk og trådlaust bruker vi Cisco.
Stillinga er knytt til IT i Fellesadministrasjonen, som har ansvar for drift av høgskulen sine sentrale IT-løysningar. IT-sjef er næraste overordna.
Kvalifikasjonar
Det vert stilt krav om fagbrev IKT-servicefag eller anna relevant utdanning og arbeidserfaring. Arbeidsoppgåvene kan verte endra.
Det vil vere ein fordel med relevant praksis og kjennskap til universitets- eller høgskulesystemet. Vi legg vekt på gode norsk- og engelskkunnskapar, både munnleg og skriftleg. Administrasjonsspråket ved høgskulen er norsk.
Søkjaren bør ha god evne til samarbeid, fleksibilitet og kommunikasjon, vere kreativ og løysingsorientert og opptatt av å yte sørvis. Ein må kunne arbeide både sjølvstendig og i team. Ved vurdering av søkjarane vil dei personlege eigenskapane bli vektlagt.
Arbeidsoppgåver
Arbeidsoppgåver:
- Dagleg ansvar for IT-hjelp
- Brukarstøtte tilsette og studentar
- Klargjering og utplassering av IT-utstyr
- Klientdrift
- Drift av AV-utstyr
IT-hjelp er vår førstelinje og består i dag av to IT-driftsfag-lærlingar. IT-teknikar vil utgjere førstelinje brukarstøtte og koordinere oppgåver til lærlingane, samt ha hovudansvar for ticket-systemet.
Søkjaren bør ha erfaring frå arbeid med:
- Active Directory
- Microsoft 365
- Intune/SCCM
- Audiovisuelt utstyr
- Klient- og serverdrift
Vi tilbyr
HVO tilbyr eit hektisk og spanande arbeidsmiljø med stor breidde i arbeidsoppgåvene.
Som vår nye kollega vil du få:
- Engasjerte kollegaer
- God pensjonsordning i Statens pensjonskasse.
- Tilsettgode og fordelar, mellom anna moglegheiter for trening i arbeidstida
Stillinga er løna etter kompetanse og kvalifikasjonar i statens lønsregulativ:
IT-teknikar, stillingskode 1136, driftsteknikar kr. 523500-557100 per år.
Arbeidstida er 37.5 timar pr. veke.
Generell informasjon
Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.
Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.
Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.
Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
Om søknaden
Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga
Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.
Kontakt
Nærare opplysningar om stillinga kan ein få ved å kontakte IT-sjef, Stig Flåskjer 70 07 51 67.
Studiebygda Volda
Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.
Les meir på www.hivolda.no
DIVERSE INFO
| Arbeidsgiver | Høgskulen i Volda orgnr: 874855502 |
|---|---|
| Kort om arbeidsgiver |
Høgskulen i Volda er høgskulen for humaniora og samfunnsvitskap i Møre og Romsdal. Vi er ein spennande kompetanseorganisasjon i vekst med om lag 4500 studentar og 380 tilsette. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.
|
| Webside | http://hivolda.no |
| Bransje | IT |
| Yrke | Utvikling |
| Sted | VOLDA (Adresse: Joplassvegen 11 Postnr: 6103) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Høyere utdanning |
| Tiltredelse | Unknown |
| Søknadsfrist | 16-12-2024 |
