Industrimekanikar/Platearbeidar – avdeling Stålutrusting – Ulstein Verft AS
Industri og produksjon Maskinteknikk og mekanikk(1 month ago)
Job Description
Published 21-10-2024
Deadline: 30-11-2024
Industrimekanikar/Platearbeidar – avdeling Stålutrusting
Vil du jobbe med skipsbygging i eit engasjert team?
Ulstein Verft er inne i ei spennande fase med fleire signerte kontraktar på både nybygg og ettermarkedsoppdrag. Vi søker deg som har interesse for skipsbygging og skipsoppgradering, og som gjerne tek på deg ei utfordring. Arbeidsoppgåvene vil variere, og du vil bli ein del av eit dyktig fagmiljø.
Intervju vil bli gjennomført fortløpande.
Oppgåver du vil arbeide med
Arbeidsoppgåvene er varierte, og kan blant anna innebere:
- Bruk av tyngre bearbeidingsutstyr som brennemaskin, valse, knekke, sager, m.m
- Montering og sveising av ulike typar dekkutrusting som kraner og vinsjar
- Bygging, sveising og montering av fundament
- Bygging, sveising og montering av større stålkonstruksjonar
- Reparasjon og vedlikehald av fartøy
Kunnskap og erfaring som gjer jobben lettare
Det er ønskeleg med relevant fagbrev, som t.d. industrimekanikar, sveisar eller platearbeidar.
Oppgåvene som skal løysast krev praktisk og teknisk forståing. Det er derfor nyttig med erfaring frå skipsbygging og maritim verksemd. Det vil også vere nødvendig å kunne kommunisere på norsk og/eller engelsk slik at vi kan diskutere og løyse oppgåvene saman.
Kvifor velje Ulstein som arbeidsplass
Ulstein er ein trygg arbeidsplass med gode HMS-verdiar, gode forsikrings- og pensjonsordningar og fleksitidsavtale for våre tilsette. Med godt humør og vilje til å bidra vil du passe godt inn hos oss. Det er ei god kjensle å vere ein del av eit over 100 år gamalt selskap forbunden med kvalitet, pålitelegheit og leveringspresisjon. Vi har gode produksjonsfasilitetar der arbeidet i all hovudsak føregår innandørs i vår utrustings- og dokkhall. Verdiane våre – å engasjere, innovere og avansere – bidreg til å skape eit godt arbeidsmiljø og gjer Ulstein til ein trygg og ansvarleg samarbeidspartnar.
I hjartet av Sunnmøre
Om du treng å flytte for å jobbe i Ulstein, så er Ulsteinvik ein flott plass å bu i hjartet av Sunnmøre. Det er kort veg til kino, konsertar, badeland, klivrehall, restaurantar og butikkar. Omkransa av fjell og turterreng til fots, på sykkel eller ski. Bylivet i Ålesund eller naturopplevingar i Sunnmørsalpane er også berre ein times køyring ifrå Ulsteinvik.
Kontaktinformasjon
Per Oskar Solhaug, Supervisor, Production Outfitting, 47645355, per.solhaug@ulstein.com
Stig Slettebakk, Department Manager Outfitting & Steel, +47 91581013, stig_b.slettebakk@ulstein.com
Arbeidsstad
Osnesvegen 110
6065 Ulsteinvik
Nøkkelinformasjon:
Arbeidsgivar: Ulstein Verft AS
Referansenr.: 4874173486
Stillingsprosent: 100%
Fast
Søknadsfrist: 30.11.2024
DIVERSE INFO
| Arbeidsgiver | Ulstein Verft AS orgnr: |
|---|---|
| Kort om arbeidsgiver |
ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen. Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise. Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon. |
| Webside | http://www.ulstein.com |
| Bransje | Industri og produksjon |
| Yrke | Maskinteknikk og mekanikk |
| Sted | ULSTEINVIK (Adresse: Osnesvegen 110 Postnr: 6065) |
| Stillingstype | Fast Heltid Antall stillinger: 1 |
| Sektor | Privat |
| Krav | Unknown |
| Tiltredelse | Unknown |
| Søknadsfrist | 30-11-2024 |
