ID 2305 Avdelingsleiarar – Nysæter ungdomsskule

Skulane i Stord arbeidar for at alle barn, unge og vaksne skal få oppfylt retten til ei god, likeverdig og inkluderande utdanning, basert på eit bredt og heilskapleg læringssyn som inkluderer læring, omsorg, leik, utvikling og danning.

Nysæter ungdomsskule, med sine om lag 227 elevar og 36 tilsette, er ein av tre ungdomsskular i kommunen. Skulen flytta inn i nytt bygg i januar 2023, og har i dag eit fysisk læringsmiljø både inne og ute som legg svært godt til rette for ei praktisk og variert opplæring og ein aktiv skuledag.

Nysæter ungdomsskule jobbar for å skapa eit trygt, inkluderande og inspirerande skulemiljø og arbeidsmiljø, og legg stor vekt på å skapa ein god samarbeidskultur på alle nivå.

Nysæter ungdomsskule har ledig 3 avdelingsleiarstillingar:

1. Fast 100% stilling som avdelingsleiar for 8.trinn

2. Fast 100% stilling som avdelingsleiar på 9.trinn

3. Fast 100% stilling som avdelingsleiar på 10.trinn

Rektor og avdelingsleiarane er skulen sitt leiarteam. Skulens og undervisningspersonalet kjerneoppgåve er å gje elevane god undervisning. Avdelingsleiarane har ansvar for sin avdeling og skal legge til rette for undervisningspersonalet. Avdelingsleiar må pårekna at inntil 50 prosent av stillinga vert nytta til undervisning.

Avdelingsleiaren har mellom anna ansvar for å:

• laga gode rammer for inkluderande profesjonsfagleg fellesskap, samt ha kontakt med lærarane i avdelinga

• leia arbeid med å koordinera planar, fellesaktivitetar, ulike prøvar og organisera teamtid

• legga til rette for samanheng, heilskap og inkludering i skulekvardagen og skuleløpet

• syta for at vedtak vert dokumentert og følgt opp

Me ynskjer leiarar som:

• veit korleis ein skal byggja god organisasjonskultur og praktiserer relasjonsleiing

• vil utvikla og leia det pedagogiske arbeidet på skulen i samarbeid med lærarar elevar, foreldre/føresette og andre tilsette gjennom godt partssamarbeid

• har god kompetanse på gjeldande lover og forskrifter for grunnskulen og kommunen sine plikter i medhald av desse

• samarbeider på tvers av einingar og sektorar

• har gode digitale dugleikar

• set mål og viser retning

Kvalifikasjonskrav:

• Søkjarane må ha godkjent lærarutdanning og erfaring frå grunnskule

• Kompetanse innan administrasjon/ leiing og personleg eignaheit vil bli vektlagt.

• Den som vert tilsett må leggja fram politiattest. Jf. Opplæringslova § 10-9 3

Menn vert oppmoda om å søkja.

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

Dersom søkjar ønsker å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ønske om reservasjon ikkje vert teke til følgje.

Nærare opplysningar får ein ved å venda seg til kommunalsjef Mariann Jacobsen Hilt tlf. 41 41 65 03, eller rektor Trude Aamot, tlf. 960 47 975.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/9845a0d0-b505-4ddb-a8cd-f5bc5329f72b
Stillingsregistrering