Høgskulelektor i norsk – Høgskulen på Vestlandet
(1 week ago)
Job Description
Published 23-03-2025
Deadline: 15-04-2025
Høgskulelektor i norsk
Ved Høgskulen på Vestlandet er det ledig ei fast stilling som høgskulelektor i norsk ved Fakultet for lærarutdanning, kultur og idrett.
Om stillinga
Stillinga inngår i Institutt for språk, litteratur, matematikk og tolking, campus Sogndal. Oppstart i stillinga er 1.8.2025.
Arbeidsstaden er campus Sogndal og stillinga utgjer 100%.
Ansvars- og arbeidsoppgåver:
Stillinga har følgjande ansvars- og arbeidsoppgåver:
- Arbeidsoppgåvene vil hovudsakleg vere undervisning, rettleiing, vurdering, praksisoppfølging og utvikling av studentaktive læringsformer i norsk/norskdidaktikk knytt til lærarutdanningane, etter- og vidareutdanningar og nasjonale/regionale tilskotsordningar
- Ein mindre del av arbeidsoppgåvene vil vere forsking- og utviklingsarbeid med relevans for instituttet sine fagområde
- Institusjonsbyggjande arbeid irekna: rettleie tilsette, fagadministrative oppgåver, internasjonalisering og samhandling med eksterne partnarar
- Delta i utvikling av forskingsprosjekt og utarbeide søknader om ekstern finansiering samen med kollegaer i fagmiljøet
- Aktivt bruke digitale verktøy i arbeidskvardagen
- Det kan bli aktuelt med noko reising i stillinga.
Kvalifikasjonskrav:
Kriteria for tilsetjing i stilling som førsteamanuensis/førstelektor går fram av Forskrift til universitets- og høyskoleloven.
Formelle kvalifikasjonar:
- For fast tilsetjing som høgskulelektor må søkjar ha fullført master/hovudfag i norsk/norskdidaktikk/nordisk eller master i praktisk/skuleretta utdanningsvitskap / master i didaktiske praksisar med norskfagleg masteroppgåve / GLU-master med masterfag norsk eller begynnaropplæring.
- For fast tilsetjing som høgskulelektor må søkjar ha mastergrad/hovudfag med gode resultat, normalt A eller B på masteroppgåva, og med relevans for stillingsprofilen.
- Utdanningsfagleg kompetanse er eit krav for stillinga.
Personlege eigenskapar:
- Den som vert tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel.
- Høgt etisk medvit i møte med studentar og tilsette er påkravd.
- Den som vert tilsett må vere personleg eigna for stillinga.
Språkkrav:
- Undervisningsspråket er norsk, og søkjarar må meistre norsk.
- Fagmiljøet tek eit særleg ansvar for nynorsk skriftspråk.
Følgjande tel positivt i vurderinga:
- Relevant undervisningserfaring frå barnehage, grunnskule og/eller høgare utdanning.
- Norskfagleg kompetanse med relevans for stillinga, bl.a. undervisningskompetanse i både litterære og språklege emne.
- Aktiv bruk av digitale verktøy i arbeidskvardagen og erfaring med pedagogisk bruk av IKT
Utdanningsfagleg kompetanse:
- Krav til utdanningsfagleg kompetanse for høgskulelektorar:
- Dokumentert relevant praktisk-pedagogisk kompetanse på grunnlag av utdanning eller undervisning og rettleiing. Kvalifikasjonar innanfor undervisning i grunnskule vil bli tillagt stor vekt.
Korleis søke på stillinga?
Send søknad og CV ved å klikke på knappen merka ”Søk stilling” på denne sida.
Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen, irekna:
- Dokumentasjon på utdanningsfagleg kompetanse
- Attestar og vitnemål
- Ev. vitskaplege arbeid (inntil 5 stk.) og fullstendig publikasjonsliste.
Dersom vitnemåla, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.
Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning.
HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vere tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.
Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.
Søknadar kan ikkje sendast på e-post til enkeltpersonar ved høgskulen.
Vi tilbyr:
- Gode pensjons-, forsikrings-, og låneordningar i Statens pensjonskasse
- Spennande fagmiljø med moglegheit for kompetanseheving – og utvikling
- Høve for trening i arbeidstida
Stillinga er løna etter Statens lønsregulativ, i stillingskode 1008 – høgskulelektor.
Frå løna vil det bli trekt 2 % innskot til Statens pensjonskasse.
Generell informasjon:
Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.
Høgskulen på Vestlandet er underlagt forskrift for eksportkontrollsystem. Forskriften kan komme til anvending behandlingen av søknadane.
Kontaktpersonar ved Høgskulen på Vestlandet er:
Faggruppeleiar Janne Sønnesyn
Tlf.: 57 67 61 56
E-post: Janne Sønnesyn
Instituttleiar Tom Rune Kongelf
Tlf.: 57 67 63 37 / 990 17 802
E-post: tom.rune.kongelf@hvl.no
Inkludere, utfordre og samhandle
DIVERSE INFO
| Arbeidsgiver | Høgskulen på Vestlandet orgnr: 874652032 |
|---|---|
| Kort om arbeidsgiver |
Høgskulen på Vestlandet (HVL) er ein av dei største høgskulane i landet, med om lag 1 900 tilsette og 17 500 studentar fordelte på fem campus i Førde, Sogndal, Bergen, Stord og Haugesund. Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium. Fakultet for lærarutdanning, kultur og idrett har fire institutt med tilsette i Bergen, Sogndal og på Stord. Fakultetet er ein av dei største lærarutdanningsinstitusjonane i landet med rundt 6600 studentar og 550 tilsette, og tilbyr barnehagelærarutdanning, grunnskulelærarutdanning for 1.-7. og 5.-10. trinn, praktisk-pedagogisk utdanning, bachelorutdanningar, masterutdanningar og Ph.d.-program. Fakultetet har eit omfattande etter- og vidareutdanningstilbod. Forskingsaktiviteten ved fakultetet blir organisert i forskingsprogram og forskargrupper. Institutt for språk, litteratur, matematikk og tolking har omlag 160 tilsette i Bergen, Sogndal og på Stord. Instituttet gjev undervisning på alle nivå og er involvert i barnehagelærarutdanninga, grunnskulelærarutdnningane, og i bachelorutdanninga i teiknspråk og tolking. I tillegg bidreg instituttet i to-årige masterutdanningar og i Ph.d.-programmet Studier av danning og didaktiske praksisar. Instituttet har eit omfattande etter- og vidareutdanningstilbod. Tilsette på instituttet er involvert i forsking som er relevant for utdanningane våre og deltar i fagleg nettverksarbeid både nasjonalt og internasjonalt. Instituttet har som mål å vere i front av skule- og profesjonsorientert kompetanseutvikling innanfor sine fagfelt. I denne samanhengen er vi i kontinuerleg samarbeid med viktige aktørar i regionen om til dømes vidareutdanning og skule- og barnehagebasert kompetanseutvikling. |
| Webside | http://www.hvl.no |
| Bransje | Utdanning |
| Yrke | Videregående skole |
| Sted | SOGNDAL (Adresse: Røyrgata 6 Postnr: 6856) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Høyere utdanning |
| Tiltredelse | Unknown |
| Søknadsfrist | 15-04-2025 |
