Fysioterapeut i Solund

Fysioterapeuten vår er ute i permisjon, kunne du tenke deg ei stilling med stor grad av variasjon, ansvar og spanande arbeidsoppgåver? 

Solund kommune har ledig stilling som fysioterapeut, 100% vikariat frå snarast – 30. april 2025. 

Hos oss vil du vere einaste fysioterapeut, men arbeidar tett i lag med mellom anna ergoterapeut, legetenesta, sjukeheim og heimeteneste.

Arbeidskvardagen er variert med kartlegging og oppfølging av brukarar frå 0 – 100 år, med alt frå helsestasjonsarbeid, kurativ behandling og oppfølging av  bebuarar på sjukeheim.

Som einaste fysioterapeut vil du ha mogelegheit til å påverke og styre arbeidskvardagen din.

Arbeidsoppgåver 

• Oppfølging av pasientar på individ- og gruppenivå
• Kartlegge funksjonsnivå og hjelpebehov
• Konsultasjonar i helsestasjons- og skulehelsetenesta
• Delta i tverrfaglege team
• Helsefremjande og førebyggjande arbeid, som til dømes heimebesøk, kvardagsrehabilitering, barseltrening og «Aktiv på dagtid»
• Delta i fagutvikling og tverrfagleg samarbeid
• Delta i koordinerande eining, og som koordinator og i individuelle planar ved behov   
• Opplæring av tilsette på sjukeheim og i heimetenesta
• Delta i aktuelle prosjekt
• Andre oppgåver etter behov

Kvalifikasjonar

• Fysioterapeut med norsk autorisasjon.
• God medisinsk fagleg innsikt og rehabiliteringskompetanse.
• Erfaring og kompetanse på helsefremmande og førebyggande arbeid.
• God formidlingskompetanse.
• God norsk munnleg og skrifteleg framstillingsevne.
• Førarkort kl. B.

Personlege eigenskapar

• God evne til å kommunisere og motivere menneske i ein krevjande livsituasjon.
• Fleksibel.
• Sjølvstendig.
• Gode samarbeidsevner.
• God datakunnskap.

Erfaring og kjennskap til kommunal fysioterapiteneste er ein fordel.

Vi tilbyr

• Gode pensjons- og forsikringsordningar.
• Løn etter avtale.
• Fagleg utfordrande og spanande arbeidsoppgåver.
• Arbeide saman med dyktige kollegaer i eit tverrfagleg team.
• God oppfølging av næraste leiar. 

Tilsetting elles i tråd med HTA. Løns- og arbeidsvilkår er i h.h.t. gjeldande lover, reglement og tariffavtalar. 
Ved tilsetjing vert det krevd politiattest, ikkje eldre enn 3 mnd, og utfylt MRSA-skjema.

Offentleg søkjarliste:
Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg.

Velkomen som søkjar.

Solund kommune har vurdert marknadsføring av stillinga, og ynskjer berre kontakt med søkjarar.

Link til søknadsskjema: Søk her
 

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/74feb5ae-0753-4497-b28d-46589557a3ed
IMPORTAPI