Fyrstekonsulent sivil rettspleie og forvaltning

Sør-Vest politidistrikt har ledig stilling som fyrstekonsulent på seksjon for sivil rettspleie og forvaltning. Arbeidsoppgåvene vil i hovudsak omfatta 1. linehandsaming av søknadar om pass og nasjonalt ID-kort, hittegods, forkynningar, post, sentralbord og våpenforvaltning. Tiltreding etter avtale. Stillinga er for tida plassert i driftseining Stord. Arbeidsstad vil vere på Stord politistasjon. 

Seksjon sivil rettspleie og forvaltning på Stord består av 7 medarbeidarar. Seksjonen har ansvar for drift av passkontor og andre forvaltningsoppgåver som hittegods, våpenforvaltning og vandelsuttalar i høve alkohollova og serveringslova. Seksjonen har og ansvaret for oppgåvene som ligg til Namsmannen. Oppgåvene til namsmannen omtalast som den sivile rettspleien og omfattar tvangsfullbyrding av pengekrav, fråvikingar, innkreving av bilar, gjeldsordning, forliksråd og forkynningar.

Me søkjer ein engasjert, strukturert og effektiv medarbeidar som vil bidra til god kvalitet i sakshandsaminga.

Arbeidsoppgåver

• 1. linehandsaming av søknadar om pass og nasjonalt id-kort. Det må påreknast nokre langdagar og/eller laurdagsope i passkiosk. 
• Rettleie publikum ved oppmøte eller telefon.
• Dagsoppgjer/kassaoppgjer.
• Fokus på førebygging gjennom forvaltning.
• Bistå i rullering av sentralbord, postmottak og registrering av brev.
• Bistå med våpenforvaltning, forkynningar og handsaming av hittegods. Ansvar for nokre av desse faga kan verta lagt til stillinga.
• Bistå med andre relevante arbeidsoppgåver på seksjonen ved behov, både forvaltningsoppgåver og oppgåver innan den sivile rettspleien for Namsmannen.

Kvalifikasjonar

Naudsynte:

• Bachelorgrad innan juss, økonomi eller tilsvarande.
• Lang, relevant erfaring kan i nokre tilfeller kompensera for utdanningskrav.
• Erfaring fra publikums-/ kundehandsaming.
• Gode norsk og engelskkunnskapar, både munnleg og skriftlig.
• Relevant erfaring med og kunnskap om dataverkty.
• Det vert krevd økonomisk vedheftighet.

Ynskjelege:

• Kunnskap om identitets- og dokumentkontroll.
• Kunnskap om regelverket.
• Kjennskap til politiet sina datasystem.
• Erfaring frå arbeid innan den sivile rettspleien.
• Erfaring frå offentleg forvaltning og sakshandsaming.

Du må ha plettfri vandel og vera skikka for teneste i politiet og politiattest (uttømande og utvida) må innhentast ved ev. tilsetjing jfr. politiloven § 18 og politiregisterloven § 41.

Personlige eigenskapar

•  Gode kommunikasjons og samarbeidsevner.
•  Ansvarleg og påliteleg.
•  Evne til å arbeida effektivt, nøyaktig og løysingsorientert.
•  Imøtekomande og tillitsskapande.

Som medarbeidar i politiet har du høg grad av etisk bevissthet, du kjenneteiknast av å vera modig og heilskapsorientert, du visar respekt og er tett på. Du kan lese meir om våre etiske retningsliner og medarbeiderplattform her:  https://www.politiet.no/om-politiet/jobb-i-politiet/medarbeiderplattform/

Me tilbyr

• Ein utfordrande og spanande arbeidsplass for deg som vil vera med på å forma politiet for framtida.
• Stillinga vert løna som sko 1408 fyrstekonsulent, frå  kr 509.300,- brutto per år.
• Medlemskap i Statens pensjonskasse, med mellom anna gode pensjons- og forsikringsordningar (www.spk.no).
• Gode arbeidsvilkår.
• Eit godt arbeidsmiljø og ein hektisk arbeidskvardag.

Politiet meinar at inkludering og mangfald er ein styrke. Me treng medarbeidarar med ulike kompetanse, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me tilretteleggja for medarbeidarar som har behov for det.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me innkalla minst éin søkjar i kvar av desse gruppene til intervju. For å verta vurdert som søkjar i desse gruppene, det vil seia positivt særhandsama på denne måten, må søkjarane oppfylla visse krav.

For å ha eit godt vurderingsgrunnlag ber me deg om å registrere utfyllande CV i vår rekrutteringsportal og lasta opp relevante attestar og vitnemål. Dersom du har funksjonsnedsejing, hol i CV-en eller innvandrarbakgrunn oppmodar me deg til å krysse av for dette i vår rekrutteringsportal. Avkrysningane dannar grunnlag for anonymisert statistikk som alle statlege verksemder rapporterar i sine årsrapportar.

Du kan lese meir på arbeidsgjevarportalen https://arbeidsgiver.difi.no/positivsaerbehandling.   

Opplysningar om deg kan bli offentleggjort sjølv om du har oppmoda om ikkje å bli ført opp på søkjarlista. Dersom oppmodinga ikkje blir tatt til følge, vil du verta varsla om dette.

Kontaktinformasjon

Evy Helland, Seksjonssjef, 52 86 53 54, evy.helland@politiet.no

Arbeidssted

Vabakkjen
5414 Stord

Nøkkelinformasjon:

Arbeidsgiver: Sør-Vest politidistrikt

Referansenr.: 4891271807
Stillingsprosent: 100%
Fast
Søknadsfrist: 05.01.2025

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/105bcf25-0198-46f3-89df-5a0fc6e39014
IMPORTAPI