Frisklivskoordinator på Nordfjordeid – Helse, Stad kommune
Construction Andre ingeniører(18 hours ago)
Job Description
Published 13-10-2024
Deadline: 03-11-2024
Frisklivskoordinator på Nordfjordeid
Stad kommune har ledig 40 % fast stilling som frisklivskoordinator med tenestestad på Nordfjordeid frå 01.01.2025.
Stillinga er organisert i eining for helse og har kontorarbeidsplass på Stad rådhus
på Nordfjordeid saman med fysioterapi- og ergoterapitenesta. Eininga for helse omfattar kommunal fysioterapi og ergoterapi samt dei privatpraktiserande fysioterapeutane med driftstilskot frå kommunen, helsestasjon, skulehelsetenesta, helsestasjon for ungdom, jordmortenesta og legetenesta. Frisklivsarbeidet i Selje er lagt til fysioterapeutstilling.
Stillinga som frisklivskoordinator har krav om treårig helseutdanning tilsvarande bachelorgrad. Du må ha kunnskap og interesse for trening, kosthald, førebyggande arbeid og livsstilsendring. Frisklivskoordinator driv ei treningsgruppe på Hamna aktivitet og helse, i tillegg til individuell rettleiing og oppfølging av brukarar av Frisklivssentralen.
I tillegg arrangerer frisklivskoordinator kvardagsgledekurs to gongar i året (Eid vår og Selje haust). Kvardagsglede handlar om dei små, enkle tinga du kan gjere i din eigen kvardag for å oppleve meistring og glede.
Gjennom folkehelselova er kommunane pålagde å tilby helsefremjande og førebyggjande tenester til innbyggjarane. Å organisere arbeidet gjennom ein frisklivssentral er ein tilrådd måte å arbeide på. Målgruppa er i hovudsak vaksne som har helseutfordringar, men ein frisklivssentral skal vere eit tilbod der alle innbyggjarane i prinsippet kan ta kontakt. Spesielt skal det vere eit tilbod til personar som har auka risiko for, eller har utvikla samansette helseplager og kronisk sjukdom. Det skal også vere eit tilbod til dei som har behov for råd og rettleiing til å endre levevanar og til å meistre livet med sjukdom.
Frisklivssentralen skal ha tilbod om strukturert, tilpassa og tidsavgrensa oppfølging basert på både individuell rettleiing og gruppebaserte tilbod.
Tilbodet skal hjelpe brukarane til å:
– Bli meir fysisk aktiv
– Få eit sunnare kosthald
– Slutte å snuse eller røykje
– Bli sterkare psykisk
Arbeidsoppgåver
- Ansvar for Frisklivssentralen
- Kartlegge utfordringar blant innbyggjarar
- Rettleie og støtte for å endre levevanar og meistre helseutfordringar
- Utarbeide plan for oppfølging i ein avgrensa periode, som t.d. grøn resept
Kvalifikasjonar
- Det er krav om relevant helsefagleg utdanning tilsvarande bachelor
- Kunnskap og interesse innan fagområdet trening, kosthald og livsstilsendring
- Førarkort kl. B
Personlege eigenskapar
- God munnleg og skriftleg framstillingsevne
- Har evne til å motivere andre
- Kan arbeide sjølvstendig
- Har gode samarbeids- og kommunikasjonsevner
- Er motivert og har gjennomføringsevne
- Kan vere ein samarbeidspart i kommunens folkehelsearbeid
Vi tilbyr
I stillinga som frisklivskoordinator tilbyr vi løn etter kommunal tariff og gode pensjons- og forsikringsordningar.
Stad kommune har seks månader prøvetid.
Vi gjer merksame på at etter § 25 i offentleglova kan opplysningar om søkjaren bli offentlege sjølv om
søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Det er krav om politiattest. Politiattest skal leggast fram før start i stillinga.
Dersom du har spørsmål om stilinga kan du ta kontakt med einingsleiar helse, Linda Gotteberg,
Kontaktinformasjon
Linda Gotteberg, einingsleiar helse, 41694203, linda.gotteberg@stad.kommune.no
Berit Heien Heggen, Avdelingsleiar, 95079428
Arbeidsstad
Rådhusvegen 11
6770 Nordfjordeid
Nøkkelinformasjon:
Arbeidsgivar: Stad kommune
Referansenr.: 4867920501
Stillingsprosent: 40%
Fast
Startdato: 01.01.2025
Søknadsfrist: 03.11.2024
DIVERSE INFO
| Arbeidsgiver | Helse, Stad kommune orgnr: |
|---|---|
| Kort om arbeidsgiver |
Stad kommune har om lag 9 600 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad, Bryggja og Totland vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit variert næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget! https://www.nordfjord.no/stad https://www.einstadistad.no/ |
| Webside | http://www.stad.kommune.no |
| Bransje | Bygg og anlegg |
| Yrke | Andre ingeniører |
| Sted | NORDFJORDEID (Adresse: Rådhusvegen 11 Postnr: 6770) |
| Stillingstype | Fast Deltid Antall stillinger: 1 |
| Sektor | Offentlig |
| Krav | Unknown |
| Tiltredelse | 01-01-2025 |
| Søknadsfrist | 03-11-2024 |
