Fast helgestilling som assistent psykiatri

Avdeling Stemningslidingar tilbyr spesialisert utgreiing og behandling på sjukehusnivå til pasientar med stemningslidingar. Målgruppa er pasientar med bipolare lidingar, alvorleg depresjon, affektive psykosar og blandingstilstandar. Avdelinga tilbyr tverrfagleg behandling som blir individuelt tilpassa den einskilde pasient.

S1 er ein lukka korttidsseksjon med 9 døgnplassar og tilbyr mellom anna miljøterapi, medikamentell behandling, psykoterapi, kronoterapi og fysisk aktivitet. Vi har om lag 65 fast tilsette, og behandlar-teamet er samansett av psykiatriske sjukepleiarar og vernepleiarar, helsefagarbeidarar, sosionom, erfaringskonsulent, psykiater, psykolog, og lege i spesialisering (LIS1 og LIS3).

Vi aukar sengetalet i 2025 til 11 døgnplassar, og aukar i samband med dette med mellom anna nokre faste stillingar for assistentar med arbeid på 16 helger per år.

Vi har eit godt og fagleg arbeidsmiljø på S1 og søker deg som ønsker å bidra og ta del i å oppretthalde dette. 

For å oppretthalde samansettinga i personalgruppa blir menn oppfordra til å søke.

Arbeidsoppgåver

• Oppfølging av pasientar med fokus på individuelle behov, aktivitet og daglege gjeremål
• Delta i det tverrfaglege arbeidet i posten, herunder gjennomføring av den planlagde behandlinga av pasientar i tråd med god klinisk praksis, sjukehusets mål og etter gjeldande regelverk
• Utøve god miljøterapi under rettleiing av sjukepleiar/vernepleiar
• Dokumentere og rapportere observasjonar og utførte tiltak under rettleiing
• Praktiske oppgåver knytta til drift av sengepost
• Forbetringsarbeid

Kvalifikasjonar

• Vi søker fortrinnsvis etter studentar innan sjuke- og vernepleie, psykologi (profesjon) og medisin, men andre søkarar blir òg vurdert 
• Vi ønsker å knytte til oss medarbeidarar som er fleksible, løysingsorienterte og fagleg engasjerte 
• Erfaring frå arbeid med psykisk sjuke menneske er ein fordel
• Må meistre norsk skriftleg og munnleg
• Sjukepleiar, vernepleiar, helsefagarbeidar må ha norsk autorisasjon

Personlege eigenskapar

• Ein skapar gode relasjonar til dei rundt seg, og opptrer med tolmod og respekt
• Vi søker personar som er modne, ansvarsbevisste og har evne til å romme ulike følelsesmessige reaksjonar hos pasientane
• At ein bidrar til godt arbeidsmiljø, og arbeide godt både sjølvstendig og i team
• Ein må trivast i eit aktivt og travelt miljø, og like varierande utfordringar
• Må vere personleg eigna til arbeidet
• Du arbeider strukturert og målretta, er punktleg og påliteleg
• Du har motivasjon og interesse for fagfeltet
• Du er løysingsorientert, god til å sjå kva som må gjerast, og tilbyr og mottar gjerne hjelp

Vi tilbyr

• Vi tilbyr eit svært godt arbeidsmiljø med høg kompetanse
• Ein spennande og utfordrande jobb
• Eit meiningsfylt arbeid som gjev personleg og fagleg utvikling
• Opplæring i terapeutisk meistring av aggresjon
• Lønn i samsvar med gjeldande overeinkomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Marte Kristine Bjørgve, Seksjonsleiar, 55958722
Asle Gramstad, Assisterande seksjonsleiar, 55958620

Arbeidsstad

Sandviksleitet 1
5036 Bergen

Nøkkelinformasjon:

Arbeidsgivar: Helse Bergen

Referansenr.: 4894696274
Stillingsprosent: 18%
Fast
Søknadsfrist: 12.01.2025

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/51ef3b92-6c62-4463-ac84-f58c516f8791
IMPORTAPI