Fagansvarleg Nettpatruljen – FEFE – Møre og Romsdal politidistrikt

 IT Drift, vedlikehold

(1 day ago)

  • MOLDE
  •  Post Date: 13. November 2024
  •  Expire date: 1. December 2024
More jobs from FEFE - Møre og Romsdal politidistrikt

Fast Fulltime jobs

Job Description

Published 13-11-2024
Deadline: 01-12-2024

 

Fagansvarleg Nettpatruljen

Er du vår nye fagansvarlege i Nettpatruljen i Møre og Romsdal politidistrikt?

Som fagansvarleg i Nettpatruljen vil du vere ein del av eit mangfoldig og ansvarleg fagmiljø med høge forventningar. Du vil utvikle eigen og andre sin kompetanse i digitalt operatørskap, og utøve allsidigheit i moderne politiarbeid i tett samarbeid med andre einingar og fagansvarlege i politidistriktet, samt delta i nasjonale fagnettverk.

Primæroppgåvene til Nettpatruljen er nærvær og patruljering i digitale plattformar og forum i tett dialog med innbyggjarane. Formålet er å skape tryggleik på nett gjennom førebygging og avdekking av nettkriminalitet. 

Stillinga er organisert under Felles eining for etterretning, førebygging og etterforsking (FEFE), ved seksjon for førebygging. Arbeidsstad for stillinga er primært Ålesund, men annan arbeidsstad kan bli vurdert dersom du ønskjer det. Du må pårekne reiseverksemd.

Vi tilbyr eit spennande arbeidsmiljø med moglegheiter for innovasjon og utvikling av polititjenester på nett. Er du motivert til å bidra i dette fagområdet? Vi ser fram til søknaden din!

Arbeidsoppgåver

  • Sikre og utøve dagleg drift av nettpatruljen i politidistriktet
  • Styrkje og vidareutvikle politiet sitt arbeid på sosiale medier, herunder arbeidsmetodikk, oppfølging, kvalitetssikring, samarbeid og samhandling
  • Bidra med å vidareutvikle og styrkje det kriminalitetsførebyggende arbeidet primært mot ungdom
  • Delta i nasjonale fagnettverk
  • Vere fagleg oppdatert og bidra til utadretta og innadretta verksemd som foredrag, undervisning og kursing
  • Utføre andre oppgåver pålagt av overordna og tillagt eininga

Kvalifikasjonar

Nødvendig:

  • Fullført og bestått politi(høg)skule
  • Minimum tre års erfaring frå politiet
  • God forståing for politiet sine ulike fagområde
  • Heilskapleg forståing for kriminalitetsførebyggande arbeid
  • God kunnskap om digitale plattformar og ny teknologi
  • Krav om sikkerhetsklarering og autorisering til BEGRENSET
  • Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.

For å bli vurdert til stillingskode 0287 politioverbetjent må ein ha minst fem års erfaring frå politiet, og relevant vidareutdanning og/eller relevant erfaring.

Ønskeleg:

  • Vidareutdanning innan kriminalitetsførebygging/etterretning
  • OSINT-erfaring eller utdanning/kurs
  • Vidareutdanning i kulturforståing og mangfold
  • Kurs i politiets bekymringssamtale eller andre samtale-/dialogverktøy
  • Erfaring frå kriminalitetsførebyggande arbeid
  • Erfaring med foredrag, opplæring eller anna rettleiing
  • Utdanning//kurs/dokumenterte ferdigheiter innan SoMe

Personlege eigenskapar

Motivasjon og personlege eigenskapar vil bli særleg vektlagt for stillinga

  • Motivert for digitalt politiarbeid
  • Gode kommunikasjons- og samarbeidsevner
  • Sjølvstendig og strukturert
  • Kreativ
  • Initiativrik og resultatorientert

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Vi tilbyr

  • Ei utfordrande og spennande stilling for deg som vil vere med på å forme polititjenestene for framtida
  • Stillinga blir lønna som politiførstebetjent (stillingskode 0285), frå kr. 548 600 til 646 000, eller politioverbetjent (SKO 0287) frå kr. 604 900 til kr. 708 000 brutto per år
  • For særskilt kvalifiserte kan noko høgare lønnsplassering bli vurdert
  • Godtgjersle etter gjeldande ATB og tillegg for eventuell turnusteneste
  • Du vil bli medlem i Statens pensjonskasse som gir deg mange gode i tillegg til livsvarig alderspensjon. Du kan ha rett til økonomisk støtte dersom du blir sjuk eller ufør, familien din kan ha rett til økonomisk støtte om du går bort, du blir forsikra mot yrkesskade eller yrkessjukdom, og du får gode vilkår på bustadlån. Les meir om tilsetjingsgoda dine på spk.no/medlemskap-i-spk.
  • Fleksibel arbeidstid og mogelegheit for trening i arbeidstida
  • Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Arild Helland, Seksjonsleiar, 41440486

Arbeidssted

Nedre Strandgate 50
6005 Ålesund

Nøkkelinformasjon:

Arbeidsgiver: Møre og Romsdal politidistrikt

Referansenr.: 4881588204
Stillingsprosent: 100%
Fast stilling
Søknadsfrist: 01.12.2024

 

 

DIVERSE INFO

Arbeidsgiver FEFE – Møre og Romsdal politidistrikt orgnr:
Kort om arbeidsgiver

Om politidistriktet
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer og dekker ei befolkning på om lag 265 000 menneske. Majestetiske fjellområde set naturlege avgrensingar i Møre og Romsdal fylke, og såleis politidistriktet. Det er Trollheimen på grensa mellom Nordmøre og Trøndelag, Romsdalsfjella med mellom anna Trolltindane i nedre del av Romsdal, Sunnmørsalpane på begge sider av Hjørundfjorden og Tafjordfjella mot Reinheimen Nasjonalpark sørvestover. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Møre og Romsdal politidistrikt har også kontinentalsokkelberedskap frå Stad til Helgeland.

Organisering av politidistriktet
Politidistriktet med om lag 630 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.

Dette er verdiane våre
I politiet jobbar vi etter prinsippa i medarbeidarplattforma som er å vere modig, heilskapsorientert, vise respekt og vere tett på. Vi meiner at inkludering og mangfald er ei styrke og treng medarbeidarar med ulik kompetanse, bakgrunn, erfaring og perspektiv for å bidra til enda betre oppgåveløysing. Dersom det er mogeleg legg vi til rette for deg om du har behov for det. 

Positiv særbehandling av søkarar til statlege verksemder
Dersom det er kvalifiserte søkarar med funksjonsnedsetting, hòl i CV-en, eller innvandrarbakgrunn, skal vi kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må du oppfylle visse krav. Les meir om krava på Arbeidsgiverportalen. Dersom du har funksjonsnedsetting, hól i CV-en eller innvandrarbakgrunn oppmodar vi deg til å krysse av i jobbportalen. Dette dannar grunnlag for anonymisert statistikk som alle statlege verksemder rapporterer på i sine årsrapportar.

Om offentleg søkarliste
Opplysingar om deg kan bli gjort offentlege sjølv om du har oppmoda om ikkje å bli ført opp på den offentleg søkarlista. Dersom oppmodinga ikkje blir tatt til følge, vil du bli varsla om dette.

Har du hugsa dette?
For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål.
Webside www.politiet.no/jobb
Bransje IT
Yrke Drift, vedlikehold
Sted MOLDE (Adresse: Strandgata 2 Postnr: 6415)
Stillingstype Fast Heltid Antall stillinger: 1
Sektor Offentlig
Krav Unknown
Tiltredelse Unknown
Søknadsfrist 01-12-2024


Kilde: NAV stillingsannonser
https://arbeidsplassen.nav.no/stillinger/stilling/f6399809-4972-49e7-8210-f5cb40d98c6b
IMPORTAPI