Er du vår nye rådgjevar for personvern og informasjonssikkerheit?

Vil du arbeide i ein etat med spennande personvernutfordringar?

I Vest politidistrikt ved stab for verksemdstyring er det ledig ei fast stilling som rådgjevar SKO 1434 ved seksjon for verksemdstyring, økonomi og juridisk funksjon.  For spesielt kvalifiserte søkjarar vil ein vurdere tilsetjing i stilling som seniorrådgjevar SKO 1364.

Personvernrådgjevaren si overordna oppgåve er å bidra til at politiet si behandling av opplysingar skjer i samsvar med politiregisterloven og GDPR/personopplysningsloven.

Rolla som personvernrådgjevar er fagleg uavhengig, objektiv og samsvarer med personvernombodsrolla etter GDPR/personopplysningsloven. Personvernrådgjevar rapporterer direkte til øvste leiing gjennom leiinga i staben. Du vil inngå i et stort personvernrådgjevarnettverk i politiet og samarbeide på tvers av etaten med Politidirektoratet og KRIPOS.

I politiet vil du møte mange spennande personvernutfordringar som du ikkje finn så mange andre stader. Samfunnsoppdraget til politiet er breitt samansett, og vi utviklar stadig tenestene våre. Du får være med på å vidareutvikle politiet og måten vi leverer tenestene våre på. Vi treng deg som har erfaring med personvern og som kan balansere utviklinga av eige fagområde opp mot politiet sitt  øvrige behov. Du må ha gode samarbeidsevner, evne til og interesse for formidling av regelverk til politi og påtalemyndigheit.

Politimeisteren sin stab for verksemdstyring (SVS) har det utøvande ansvaret for politidistriktet si økonomi- og verksemdstyring, samt for strategi og organisasjonsutvikling. I tillegg har SVS blant anna ansvaret for sikkerheitsleiinga, politioperativt materiell, juridisk støtte og dokumentforvaltning.

Stillinga er stadsplassert i Bergen.

Arbeidsoppgåver

• Informere og gje råd om dei forpliktingane verksemda har etter politiregisterloven og GDPR/personopplysningsloven
• Kontrollere etterleving av politiregisterloven, GDPR/personopplysningsloven og interne retningslinjer
• Sjå til at behandlingsansvarleg (politimeister) har eit system for internkontroll
• Hjelpe dei registrerte med å ivareta deira rettar
• Rettleie og hjelpe ved innsynskrav etter personopplysingslova, politiregisterlova og offentleglova
• Hjelpe med råd om vurdering av personvernkonsekvensar
• Påpeike brot på personopplysningssikkerheita
• Samarbeide med Datatilsynet og ha funksjon som kontaktpunkt for tilsynet
• Prioritere innsats der personvernrisikoen er høgast
• Halde deg orientert om utviklinga innan fagområdet
• Ivareta informasjonssikkerheit i distriktet etter prinsippa om konfidensialitet, integritet og tilgjenge opp mot trussel, risiko og sårbarheit
• Implementere system for styring og kontroll av informasjonssikkerheit i distriktet.
• Arbeide saman med sikkerheitsleiar opp mot sikkerheitslova og tilhøyrande føresegner
• Andre oppgåver pålagt av overordna

Kvalifikasjonar

Nødvendig

• Juridisk embetseksamen eller master i rettsvitskap
• For stilling som seniorrådgjevar er det krav om minimum 5 års relevant erfaring                 
• Særs god skriftleg og munnleg framstillingsevne på begge målformer
• Må kunne klarerast for HEMMELEG
• Du må ha plettfri vandel og vere skikka for teneste i politiet og politiattest (uttømmande og utvida) må innhentast ved ev. tilsetjing jfr. politilova § 18 og politiregisterlova § 41.

Ønskeleg

• Kunnskap om internkontroll
• Kunnskap om informasjonssikkerheit og interesse for IT
• Erfaring frå juridisk rådgjeving og regelverksutvikling
• Erfaring frå offentleg forvalting og god forvaltingsforståing  
• For stilling som rådgjevar vil relevant erfaring innan fagfeltet vektleggast 
• Gode resultat vil bli vektlagt.

Personlege eigenskapar

• Metodisk og strukturert 
• Gode analytiske evner
• Gode samarbeids- og kommunikasjonsevner
• God rolleforståing

At du er personleg skikka og motivert vil bli vektlagt

Som medarbeidar i politiet er du modig og heilskapsorientert, du viser respekt og er tett på. Du kan lese meir om våre  etiske retningslinjer og medarbeiderplattform her:  https://www.politiet.no/om-politiet/jobb-i-politiet/medarbeiderplattform/

Vi tilbyr

• Ein utfordrande og spennande arbeidsplass for deg som vil være med på å forme politiet for framtida
• Stillinga blir lønna som rådgjevar (stillingskode 1434), frå ltr. 68/ kr. 667.700 til ltr. 74/ kr. 745.000 brutto per år, eller som seniorrådgjevar (stillingskode 1364), frå ltr. 74/ kr. 745.000 til ltr. 76/ kr. 796.600 brutto per år, avhengig av kvalifikasjonar.
• Medlemskap i Statens pensjonskasse, med mellom anna  gode pensjons- og forsikringsordningar (www.spk.no)
• Gode arbeidsvilkår (til dømes fleksibel arbeidstid, sommartid, trening i arbeidstida o.l.)

Generelt

Politiet meiner at inkludering og mangfald er ein styrke. Vi treng medarbeidarar med ulike kompetansar, bakgrunn, erfaring og perspektiv for å bidra til enda betre oppgåveløysing. Dersom det er mogleg vil vi legge til rette for medarbeidarar som har behov for det.

Dersom det er kvaliserte søkjarar med funksjonsnedsetting, hol i CV-en eller innvandrarbakgrunn, skal vi innkalle minst ein søkjar i kvar av desse gruppene til intervju. For å bli vurdert som søkjar i desse gruppene, det vil sei positivt særbehandla på denne måten, må søkjarane oppfylle visse krav.

For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål. Dersom du har funksjonsnedsetting, hol i CV-en eller
innvandrarbakgrunn oppfordrar vi deg til å krysse av for dette i vår rekrutteringsportal. Avkryssingane dannar grunnlag for anonymisert statistikk som alle statlege verksemder rapporterer i sine årsrapportar.

Du kan lese meir på arbeidsgjevarportalen https://arbeidsgiver.di.no/positivsaerbehandling.
Opplysingar om deg kan bli gjort offentleg sjølv om du har bedt om ikkje å bli ført opp på søkjarlista.
Dersom ønsket ditt ikkje blir tatt til følge, vil du bli varsla om dette.

Vi ber om elektronisk søknad via lenka.

Saksnr: 24/34555

Kontaktinformasjon

Merethe Mæland, Leiar av Stab for verksemdsstyring, 90872622
For spørsmål om elektronisk søknad/CV, Seksjon for HR, 207.HR@politiet.no

Arbeidssted

Allehelgens gate
 Bergen

Nøkkelinformasjon:

Arbeidsgiver: Vest politidistrikt

Referansenr.: 4758952936
Stillingsprosent: 100%
Fast stilling
Søknadsfrist: 18.08.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/e2f432b2-51bd-4c3c-9590-31a270d55b9b
IMPORTAPI