Er du lærar eller barnehagelærar og har lyst å jobba eit år i Indre Ryfylke PPT?

Om stillinga

Frå og med 01.11.24 eller etter avtale til og med 31.07.25 har me ledig inntil 100 % vikariat, med moglegheiter for fast stilling, som pedagogisk psykologisk rådgjevar ved Indre Ryfylke PPT.
Stillinga har oppmøtestad i både Suldal og Sauda.

Om oss 

Indre Ryfylke PPT er ei interkommunal teneste der Suldal er vertskommune for Sauda. Tenesta har kontor i begge kommunane. PPT har fast nærvær i barnehage og skule for å vera tett på med systemretta samhandling, tidleg innsats og førebyggande arbeid. Me bidreg til kompetanseheving og utvikling i oppvekstsektoren og gir rettleiing til barnehagar og skular på system- og individnivå. Tenesta utarbeider sakkunnig vurdering der lova krev det.

Tenesta arbeider etter strategi for inkluderande fellesskap for barnehage og skule i tråd med Meld St.6 «Tett på- tidleg innsats og inkluderande fellesskap i barnehage, skole og SFO»

Suldal og Sauda er BTI-kommunar som inneber betre samhandling mellom tverrfagleg tenester der PPT er ein del av laget rundt barnet. I tillegg er PPT del av Utdanningsdirektoratet sitt kompetanseløft for spesialpedagogikk og inkluderande praksis. I tenesta vert det stilt høge krav om sjølvstendig arbeid og samhandlingskompetanse både internt i eininga og i praksisfeltet.

Kven søkjer me?

• Me søkjer ein person som er fleksibel og løysingsorientert, har pågangsmot og er interessert i å medverka i utviklings- og organisasjonsarbeid i barnehage og skule. Du må trivast med varierte arbeidsoppgåver, lika å samarbeida, og vera ein god relasjonsbyggjar.
• Barnehagelærar eller lærar med master eller vidareutdanning innan spesialpedagogikk. Sterk fagleg kompetanse og lang erfaring kan kompensere for manglande utdanning.

 Det er og ønskjeleg med erfaring eller kompetanse innan:

• Fleirspråklegheit
• Erfaring frå systemretta endringsarbeid i skule og barnhage
• Gode kunnskap om spesialpedagogikk i barnehage og skule
• Rettleiingskompetanse
• Kjennskap til, og erfaring frå barnehage og skule som organisasjon
• Ved tilsetting vert det lagt vekt på den samla kompetansesamansettinga hos Indre Ryfylke PPT

Persolege eigenskapar

• Du er god til å samarbeida men og arbeida sjølvstendig
• Du er oppteken av å tileigna deg ny kunnskap
• Du er strukturert og kan jobba systematisk
• Du likar å arbeida med varierte oppgåver og har ei fleksibel tilnærming
• Du er ein positiv bidragsytar inn i kollegiet og oppteken av å spela andre gode
• Du er ein god relasjonsbyggar og motivator
• Du er god til å skape rom for dialog

Personlege eigenskapar vil bli lagt vekt på

Arbeidsoppgåver

• Vera tett på barnehagar og skule med systemretta samhandling, tidleg innsats og førebyggande arbeid.
• Gje rettleiing til skular på system og individnivå 
• Bidra til kompetanseheving og organisasjonsutvikling i skulen. 
• Sakkunnig arbeid der lova krev det
• Andre oppgåver i tråd med verksemda sine behov

Kva kan me tilby

• Interessante og varierte arbeidsoppgåver i eit godt arbeidsmiljø med høg fagleg kompetanse.
• PP-tenesta har tilgang til bestilling av bil og el-sykkel ved behov.
• Gode pensjons- og forsikringsordningar gjennom KLP
• Bedriftshelseteneste
• Løn- og tilsetjingsvilkår i samsvar med lov- og avtaleverk

Andre opplysningar

• Du må ha førarkort klasse B
• Stillinga vil fortida ha kontor både i Suldal og Sauda kommune
• Nynorsk som administrasjonsspråk
• Det er krav om godkjend politiattest etter gjeldande lovverk ved tiltreding. Attesten kan ikkje vere eldre enn tre månadar
• Me etterspør dokumentasjon på utdanning og attestar frå tidlegare arbeidsforhold ved innkalling til eit eventuelt intervju.
• Suldal kommune oppfordrar alle våre søkjarar til å søkja på stillinga digitalt.
• Det kan vera behov for bruk av eigen bil

Suldal kommune gjer merksam på at søkjarlistene kan verta offentleggjorde.

Velkomen som søkjar! Me ser fram til å høyra frå deg.

Link til søknadsskjema: Søk her
 

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/018067ee-cf01-458b-864e-9ae943d6660c
IMPORTAPI