Job Description
Published 19-03-2025
Deadline: 06-04-2025
Engasjement for jusstudentar
Finanstilsynet søker etter to jusstudentar til studentengasjement på inntil 20 prosent i seksjon for bank- og forsikringsåtferd. Seksjonen har mellom anna ansvaret for å forvalte kundevernreglar i finansmarknaden, som for eksempel lovkrav om god forretningsskikk, informasjon og rådgiving, kundebehandling og utlån til forbrukarar. Seksjonen har òg ansvaret for å behandle søknader og tilsyn med forsikringsformidlingsføretak, låneformidlingsføretak, betalingsføretak og e-pengeføretak.
Vi ser etter to studentar som har starta på det andre eller tredje studieåret. Arbeidet er på dagtid i normal arbeidstid, men det kan tilpassast undervisning og eksamensførbuingar.
Arbeidsoppgåver
- behandle søknader om løyve som forsikringsformidlingsføretak
- behandle klagesaker på feltet forbrukarvern
- behandle meldingar om grensekryssande verksemd frå betalingsføretak og e-pengeføretak som har løyve frå andre EU/EØS-land
- behandle vurderingar av om personar som skal ha leiande roller i betalingsføretak og e-pengeføretak, er eigna
- svare på førespurnader på telefon
Du kan òg få andre arbeidsoppgåver på arbeidsområda til seksjonen.
Kvalifikasjonar
- Jusstudent med gode karakterar, som er omtrent halvvegs i masterstudiet i rettsvitskap.
- Du må legge ved vitnemål/karakterutskrifter (f.o.m. vidaregående) og relevante attestar.
Personlige eigenskapar
- interesse for forbrukarvern i finansmarknaden og anna finansregulatorisk regelverk
- positiv og god til å samarbeide
- effektiv og nøyaktig
- god skriftlig og munnleg framstillingsevne
Vi tilbyr
- saksbehandlingsoppgåver som gir jusstudentar god og relevant erfaring
- opplæring og gode moglegheiter for utvikling i eit miljø med høg fagkompetanse
- lokale i Kvadraturen i Oslo sentrum
- timesbaserte engasjement, som per i dag blir lønna med 225 kroner per time
Anna
- Etter at søknadsfristen har gått ut, vil vi utarbeide ei offentleg søkarliste, sjå offentleghetlova § 25.
- For å bli vurdert må du legge ved vitnemål og relevante attestar.
- Du kan skrive søknaden på nynorsk eller bokmål.
- Vi utfører bakgrunnssjekk av dei som får engasjement.
- Alle tilsette i Finanstilsynet må følge dei etiske retningslinjene våre, sjå https://www.finanstilsynet.no/jobb-hos-oss/#Etiskeretningslinjer
- Finanstilsynet er opptatt av mangfald, og vi oppfordrar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV-en. Dersom det er mogleg, vil vi legge til rette for medarbeidarar som har behov for det. For positiv særbehandling, sjå
- http://arbeidsgiver.difi.no/positivsaerbehandling
For nærare omtale av Finanstilsynet, sjå www.finanstilsynet.no
Kontaktinformasjon
Ingerid Boge, Seniorrådgiver, 22 93 99 48
Linda Madeleine Olszewski, Rådgiver, 22 93 97 99
Arbeidssted
Revierstredet 3
0151 OSLO
Nøkkelinformasjon:
Arbeidsgiver: Finanstilsynet
Referansenr.: 4941078059
Stillingsprosent: 20%
Engasjement
Søknadsfrist: 06.04.2025
DIVERSE INFO
| Arbeidsgiver | Seksjon for bank- og forsikringsåtferd, Finanstilsynet orgnr: |
|---|---|
| Kort om arbeidsgiver | Finanstilsynet arbeider for at finansføretak og finansmarknader fungerer trygt og effektivt til det beste for samfunnet og brukarane av finansielle tenester. Vi har om lag 340 tilsette og held til i Oslo sentrum. Vi legg til rette for eit godt arbeidsmiljø, tek omsyn til klima- og miljøutfordringar og er sertifisert som Miljøfyrtårn. |
| Webside | http://www.finanstilsynet.no |
| Bransje | Kontor og økonomi |
| Yrke | Ledelse, administrasjon og rådgivning |
| Sted | OSLO (Adresse: Revierstredet 3 Postnr: 0151) |
| Stillingstype | Engasjement Deltid Antall stillinger: 2 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 06-04-2025 |
