Volti elektro er ei avdeling i VOLTI som utfører elektroinstallasjon og service for skip, næringsbygg, industri og bustadsmarknaden.

Vår aktivitet på installasjon av skip aukar voldsomt og vi søkjer difor etter dyktige elektrikarar for å bidra i vårt team av dyktige og erfarne medarbeidarar.

Hva vi ser etter

Vi ser etter personar som brenn for faget slik vi andre i Volti gjer, og som ser moglegheiter for korleis elektrotekniske system kan forbetrast både med tanke på produksjonsoptimalisering, og tekniske løysingar.

VOLTI har sett seg som mål å bidra til å gjere norsk verftsindustri konkurransedyktig med tekniske løysingar som gjer det effektivt å bygge avanserte skip i Noreg, også i framtida.

Erfaring frå faget er alltid viktig. Men vel så viktig er personlegheit og motivasjon. Difor søkjer vi også personar som ynskjer å lære meir om elektrofaget og har eit ynskje om å bidra til å utvikle miljøteknologi ombord i skip, samt andre elektrotekniske løysingar til skip.

Søkjar bør ha fagbrev elektrikar.

Arbeidsoppgaver

Arbeidsoppgåver for elektrikarar vil vere:

• Samarbeid med prosjektleiar for planlegging av gjennomføring og tekniske løysingar.

• Installasjon ombord i skip. i hht. gjeldande regelverk.

• Bidra til å sikre at alle i teamet fokuserar på kvalitet og sikkerheit i arbeidet.

• Koordinere innleigd arbeidskraft ved større prosjekt.

Vi tilbyr

VOLTI er eit ungt selskap med store planar, og har fått godt fotfeste i den maritime næringa. Her vil ein person som søkjer fagleg og personleg utvikling finne ein god arene saman med likesinna som heile tida jobbar for å sikre optimaliserte arbeidsprosessar og gode løysingar for våre kundar.

VOLTI har gode lønsvilkår, arbeidsvilkår, forsikrings- og pensjonsordningar.

Arbeidet vil i hovudsak foregå på Green Yard Kleven i Ulsteinvik. Arbeid på skip rundt i verda ellers vil kunne vere aktuelt.