Einingsleiar inkludering og mangfald i Ulstein – Oppvekst og kulturetaten, Inkludering og mangfald i Ulstein (IMU)
(5 days ago)
Job Description
Published 27-03-2025
Deadline: 21-04-2025
Einingsleiar inkludering og mangfald i Ulstein
Eininga Inkludering og mangfald i Ulstein (IMU) rommar flyktningteneste, opplæring i norsk og samfunnsfag for innvandrarar, tilrettelagt opplæring for vaksne, spesialpedagogisk team for førskule og logopedteneste. Eininga har ei koordinerande rolle i høve Ulstein kommune sitt arbeid med inkludering og mangfald, og skal drive tenesteutvikling innan området. Tenesteytinga ved IMU heng tett saman med migrasjonsbilete i Noreg og verda. Eininga har vore gjennom store endringar dei siste åra. Endringar vil truleg prege eininga også framover. IMU held til på Reiten og har om lag 30 tilsette. Ulstein kompetansesenter er ein del av eininga.
Vi søker etter ein løysingsorientert leiar med gode samarbeidsevner som kan leie IMU vidare.
Arbeidsoppgåver
- Leie arbeidet med busetting, oppfølging og kvalifisering av flyktningar
- Leie Ulstein kompetansesenter, med ansvar for kommunen si opplæring til vaksne
- Ansvar for spesialpedagogiske tiltak i førskulen og logopedtenesta i kommunen
- Koordinere Ulstein kommune sitt ansvar som vertskommune for asylmottak
- Utøve god personal- og økonomileiing
- Følgje opp politiske saker og førebu saker til politisk handsaming
- Sikre og utvikle godt samarbeid med tenestemottakarar, og interne og eksterne samarbeidsaktørar
- Leie og motivere dei tilsette til arbeid med tenesteutvikling innan dei ulike fagområda
- Internkontroll og HMS-ansvar
Kvalifikasjonar
- Relevant utdanning frå universitet/høgskule
- Ønskeleg med leiarerfaring/leiarutdanning
- Ønskeleg med erfaring frå arbeid innan integrering, opplæring og/eller førskule, og kjennskap til relevant lovverk
- Gode kommunikasjonsevner munnleg og skriftleg
- God økonomiforståing og digital kompetanse
- Kompetanse innan prosess- eller endringsleiing
Personlege eigenskapar
Vi søker ein leiar som:
- Er utviklingsorientert, strukturert og tydeleg
- Har gode kommunikasjonsevner munnleg og skriftleg
- Har god relasjonskompetanse og gode samarbeidsevner
- Er oppteken av kvalitet og tenesteutvikling
- Er samlande og trygg, og som evnar å engasjere og involvere personale og samarbeidsaktørar
Det vert lagt stor vekt på personlege eigenskapar.
Du må kunne identifisere deg med Ulstein kommune sine kjerneverdiar:
Nyskaping – Omsorg – Rausheit – Mangfald.
Vi tilbyr
Ein spanande og variert arbeidskvardag med kjekke medarbeidarar. Gode høve for fagleg utvikling og nettverksbygging.
Leiarstøtte frå fagstab og interne tenester. Tilsetting i samsvar med gjeldande avtaleverk. Løn etter avtale.
Stillinga er underlagt reglement for kommunal fleksitid.
Kontaktinformasjon
Karen Strand, Kommunalsjef, +47 99412490, karen.strand@ulstein.kommune.no
Arbeidsstad
Reiten
6065 ULSTEINVIK
Nøkkelinformasjon:
Arbeidsgivar: Oppvekst og kulturetaten
Referansenr.: 4945657937
Stillingsprosent: 100%
Fast
Startdato: 01.08.2025
Søknadsfrist: 21.04.2025
DIVERSE INFO
| Arbeidsgiver | Oppvekst og kulturetaten, Inkludering og mangfald i Ulstein (IMU) orgnr: 974617382 |
|---|---|
| Kort om arbeidsgiver |
Mellom storhavet og Sunnmørsalpane ligg Ulstein kommune med kommunesenteret Ulsteinvik. Hos oss står nyskaping og bulyst i høgsetet. Folketalet stig og nye utbyggingsprosjekt har blitt prisløna dei siste åra. Vi driv godt, har stram men ordna økonomi, gode tenester og høg fagleg kompetanse. Vi huser store maritime verksemder med global marknad og hjarte for lokalsamfunnet. Saman med engasjerte innbyggarar, ein blømande frivillig sektor og eit allsidig næringsliv skaper vi framtida. |
| Webside | http://www.ulstein.kommune.no |
| Bransje | Kontor og økonomi |
| Yrke | Ledelse, administrasjon og rådgivning |
| Sted | ULSTEINVIK (Adresse: Reiten Postnr: 6065) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Høyere utdanning |
| Tiltredelse | 01-08-2025 |
| Søknadsfrist | 21-04-2025 |
