Doavttergrádastipendiáhtta pedagogihkas – Sámi allaskuvla – Samisk høgskole
Uoppgitt/ ikke identifiserbare Ikke identifiserbare(2 weeks ago)
Job Description
Published 08-04-2025
Deadline: 21-05-2025
Doavttergrádastipendiáhtta pedagogihkas
Bargoviidodat virggis
100 % stipendiáhtavirggis lea virgeáigodat golbma (3) jagi. Virgi lea čadnon Sámi oahpaheaddjeoahpu goahtái. Stipendiáhta dutkanfáddá galgá leat pedagogihkas dahje skuvladutkama siskkobealde. Stipendiáhtavirgi lea čadnon Norgga dutkanráđi ruhtaduvvon prošektii Eatnamat mánát mii bistá 2025-2029. Doavttirgráđastipendiáhtavirggis lea álgin čakčat 2025 ja áinnas 1.9.2025.
Dutkanráđi ruhtadanprošeavtta ulbmil lea kritihkalaččat guorahallat, govvidit ja analyseret sámi pedagogalaš ja didákttalaš práksisiid. Dutkit dutkanprošeavttas galget ovttasbarggu
oahpaheaddjiiguin identifiseret sámi pedagogalaš ja oahpaheaddjeámmátlaš perspektiivvaid sámi oahpahuskonteavsttain. Stipendiáhta lea mielde dutkanjoavkkus ja ovttasbarggus eará dutkiiguin stipendiáhta čađaha iežas dutkangrádaprošeavtta. Sámi árbevirolaš máhttu ja báikkálaš perspektiivat leat guovddážis váldoprošeavttas. Metodalaččat leat skuvlaetnográfalaš metoda geavahuvvon, ja vuođđun váldoprošektii leat gulahallamat ja ovttasbargut
oahpaheaddjiiguin akšuvnnadutkanmálliin.
Ohcama mielde galgá čuovvut 5-8 siidosaš sámegielat prošeaktačilgehus mii heive Eatnamat mánát dutkanprošeavtta siskkobeallái.
Prošeaktačilgehus galgá sisttisdoallat: dutkanberoštupmi, vejolaš dutkangažaldagaid, duogáš dieđuid dutkanfáttas, nu go ovddeš dutkamiid, čilgehus movt metodalaččat sáhtát bargat.
Sáhtát eanet dieđuid oažžut prošeaktajođiheaddjis.
Gelbbolašvuođagáibádusat
Stipendiáhta virgádeamis gáibiduvvo sámi oahpaheaddjemastera
álgooahpahusačiekŋudeamis, sámegiela didaktihkas dahje pedagogihka fágasuorggis.
Masteroahpu gaskamearálaš árvosátnin berre leat unnimusat B dahje vástideaddji.
Áššedovdi lávdegoddi árvvoštallá ohcci gelbbolašvuođa ja virgáibidjamis vuoruhuvvojit ohccit geat sáhttet duođaštit dieđalaš/fágalaš gelbbolašvuođa ja geat dutkanplánasteaset čájehit fágalaš beroštumiid. Árvvoštallamis biddjo váldodeaddu ohcci dutkanplánii, ohcci ovddeš olahusaide ja ohcci akademalaš ja profešuneala vásáhusaide, mat leat relevánttat dutkanprošektii. Árvvoštallamis biddjo deaddu maiddái ohcci dutkanpotentiálii nu go dat boahtá ovdan masterbarggus dahje vástideaddji bargguin, eará dieđalaš bargguin ja doavttirgrádaprošeaktačilgehusas.
Virgáibidjamis gáibiduvvo ahte bargi hálddaša davvisámegiela mii vástida unnimus B2 dási Eurohpá gielaid oktasaš rámmain (CEFR). Bargi galgá máhttit dárogiela dahje eará skandinávalaš giela čálalaččat ja njálmmálaččat dán dásis ahte sáhttá bures gulahallat
dutkanprošeavtta oktavuođas dárogielat oahpaheddjiiguin ja ohppiiguin. Bargi galgá hálddašit eŋgelasgiela.
Eaktun virgáibidjamii lea, ahte ohcci váldojuvvo sisa muhtin universitehta dahje allaskuvlla doavttirgrádaprográmmii.
Stipendiáhttagalgá maŋemustá golmma (3) mánu maŋŋel álgima ráhkadit plána das, mo stipendiáhttaáigodat čađahuvvo. Eaktuduvvo ahte galgá golmma mánus beassan ph.d.-
prográmma sisa juogo Norggas dahje eará riikkas. Eaktuduvvo ahte stipendiáhtta sáhttá váldit osiid iežas doavttirgrádaoahpus Sámi allaskuvllas dahje eará ásahusas juogo Norggas dahje eará riikkas.
Muđui čujuhuvvo FOR 2006-01-31-102, § 1-3, vrd. muhttádusnjuolggadusa § 13-2 Forskrift til universitets- og høyskoleloven (universitets- og høyskoleforskriften ja Sámi
allaskuvlla doavttergrádastipendiáhtaid njuolggadusaide.
Mii fállat
Mii fállát earet eará:
- Virggi mas ovdánahttinvejolašvuođat, viiddis ja máŋggabealat fágabirrasis
- Máŋggabealat čálgofálaldagaid ja heivehahtti bargoáiggi
- Buori bargobirrasa gos alla gelbbolaš bargit iešguđetge fágasurggiin
- Ealli sámegielbirrasa guovddáš sámi guovllus
Bálká
Bálkáheapmi dahkko stáda bálkáregulatiivva mielde, virgekoda 1017 Stipendiáhtta. Erenoamáš gelbbolaš ohcciide sáhttit árvvoštallat geavahit virgekoda 1378.
Stipendiáhtta bálkáheapmi dahkko oahpu ja bargoánssu vuođul.
Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas
Bálkkás gesso 2% geatnegahtton divat Stáda penšuvdnakássii.
Máŋggabealatvuohta ja searvadahttin
Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.
Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.
Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.
Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.
Oppalaččat
Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.
Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.
Fárrendoarjja máksojuvvo stáhta njuolggadusaid mielde.
Finnmárkkus lea sierra ortnet geahpedit lohkanloana ja vearrogeahpádus.
Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.
Virggis lea 6 mánu geahččalanáigi.
Ohcan
Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:
- Fágalaččat ákkastallojuvvon nákkosgirjji dutkanplána oktan áigeplánain (5-8 siiddu)
- CV (oahpuid, bargohárjánumi ja fágalaš bargguid dievaslaš čilgehus)
- Almmuhemiid listu oktan dievaslaš gáldodieđuiguin
- Master- dahje váldofágabargu
- Duođaštus ja árvosátneduođaštus bacheloroahpus dahje vástideaddjis
- Duođaštus ja árvosátneduođaštus masteroahpus dahje vástideaddjis
- Diploma supplement čađahuvvon oahpuin
- Eará relevánta duođaštusat
- 2 referánssa
Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.
Oktavuođadieđut
Eanet dieđuid virggi birra oažžu goahtejođiheaddjis John-Marcus Kuhmunen, epoasta: johnmk@samas.no, tlf. 78 44 84 91
DIVERSE INFO
| Arbeidsgiver | Sámi allaskuvla – Samisk høgskole orgnr: |
|---|---|
| Kort om arbeidsgiver |
Sámi universitehta boahtteáiggi Sápmái – mii ollašuhttá sámi servodagaid máhttodárbbuid. Sámi allaskuvla lea njunuš sámegielat alitoahppo- ja dutkanásahus mii buvttada alladási gelbbolašvuođa mainna ovddida sámi iešmearrideami, guoddevaš ealáhusaid ja servodagaid. Min ásahusas lea miehtasámi perspektiiva, mii fátmmasta ja olaha olles Sámi, buot sámegielaid ja sámi servodagaid Min luhtte galget buohkat dovdat oadjebasvuođa.Mii dovdat oahpes bálgáid ja seammás ráhkadit ođđa bálgáid amas duovdagiidda. Mii galgat nannet sámi gielaid, árvvuid ja máhttovuođuid, ja nu maiddái sámi servodagaid. Dál mii ohcat du guhte háliidat leat mielde ollašuhttimis min ásahusa mihtuid. |
| Webside | http://www.samas.no |
| Bransje | Uoppgitt/ ikke identifiserbare |
| Yrke | Ikke identifiserbare |
| Sted | KAUTOKEINO (Adresse: Hánnoluohkká 45 Postnr: 9520) |
| Stillingstype | Åremål Heltid Antall stillinger: 1 |
| Sektor | Offentlig |
| Krav | Høyere utdanning |
| Tiltredelse | Unknown |
| Søknadsfrist | 21-05-2025 |
