Avdelingssjukepleiarar x 2 i Hyllestad kommune

Vi har ledig to nyoppretta avdelingsleiarstillingar innan omsorgstenesta, 100 % stilling x 2, ei stilling for institusjon og ei stilling for heimebaserte tenester (inkludert miljøtenesta).

Kvifor søkje hos oss?

• Viktige og spennande oppgåver ventar for den rette kandidaten

• Vi er i utvikling og ynskjer å skape kultur for kontinuerleg forbetring av tenestene til beste for brukarane

• Du får jobbe saman med kompetente kollegaer i eit etablert fagmiljø

• Moglegheit til å påverke eigen arbeidsdag og utvikle eigen kompetanse ut frå kompetanseplan.

I tillegg vert du medlem i KLP, eit av landets beste pensjonsordningar. Les gjerne meir om medlemsfordelane i KLP

Kvifor Hyllestad?

Hyllestad kan skilte med norsk natur på sitt beste, du kan rusle langs vasskanten eller bestige fjell som Lihesten, her er gode moglegheiter for jakt og fiske. I Hyllestad er det rom og moglegheiter for både familiar og einslege. Vi har mange fritidsaktivitetar i regi av ulike lag og organisasjonar. Og – her er plass til fleire, kanskje akkurat deg?

Vi har rimelege barnehageplassar, ledige byggeklare tomter med flott utsikt og gode solforhold og fritids- og aktivitetstilbod for både store og små.

Har du lyst å lese meir om livet i Hyllestad, sjekk ut Hyllestadinfo

Som avdelingsleiar vil du ha ansvar for den daglege drifta i avdelinga:

• Leie avdelinga der ein sikrar at kjerneoppgåver, blant anna stell og pleie av pasientar, er i fokus

• Sikre at tenestene vert utøvd i samsvar med lover, føresegner og retningslinjer

• Vidareutvikle pasientnære praksisar som er økonomisk bærekraftige og fagleg forsvarlege

• Leie og forvalte personalressursane og bidra til samhandling mellom institusjon, heimetenesta og helse

• Gjennomføre internkontroll og sikre fagleg kvalitet på tenestene saman med fagleiar

• Handtere avvik for å oppnå læring i organisasjonen

• Følgje opp kompetanseplan og kontinuerleg opplæring i avdelinga

Andre oppgåver kan kome i tillegg og oppgåvene kan endre seg etter behov.

Vi ser for oss at du har

norsk autorisasjon som sjukepleiar, og helst vidareutdanning og erfaring innan leiing. Det vil bli arbeid i avdeling 3. kvar helg. Det er ein fordel med god kjennskap til kvalitetskrav i omsorgstenestene og forståing for arbeidsgjevarrolla.

Vi brukar Visma HRM som lønssystem, WebSak+ som sakshandsamarsystem og Visma Enterprise og Framsikt til budsjett og rekneskap, og for omsorg CosDoc journalsystem og Tieto RS til turnusplanlegging og fråværsmodul.

Personlege eigenskapar for stillinga er viktig, det krevst struktur, orden og kvalitet for å løyse oppgåvene best mogleg, samt god relasjonskompetanse. Elles gode kommunikasjonskunnskapar både skriftleg og munleg. Du må framlegge tilfredsstillande politiattest før tiltreding og ha førarkort kl. B.

Kontakt

Fleire opplysningar om stillinga kan du få hos einingsleiar omsorg Unni Systaddal tlf. 481 79 160 eller fagleiar Hilde Håvåg tlf. 404 14 761.

Hos oss vil du få ein gjeng med gode kollegaer som kan faget sitt, og som ønskjer å lære vekk sin kompetanse – samstundes som dei vil lære av deg. Er du treningsentusiast får du gratis tilgang til treningsstudio i idrettshallen vår eller delta gjerne på kollegatrimen om tirsdagane.

Vi ser fram til søknaden din!

Om du har lyst til å vere med oss på laget – ikkje nøl, send oss ein søknad. Vi gledar oss til den dukkar opp i innboksen vår!

Relevante lenkjer

• Hyllestad kommune som framtidig arbeidsgjevar

• Hyllestadinfo

• Informasjon om bustadtilskot til førstegangsetablerarar

• Sjå film om den fine kommunen vår!

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/1fc9e2d7-d9b8-4361-a05c-791a83873728
Stillingsregistrering