Avdelingsdirektør 

Om stillinga

I Finansavdelinga er det ledig stilling som leiar for Seksjon for statsbudsjett og rekneskap. Finansavdelinga samordnar regjeringa sitt arbeid med statsbudsjettet og førebur avgjerder i regjeringa. Seksjonen har ei sentral rolle i førebuinga, planlegginga og gjennomføringa av budsjettrundane, under dette budsjettkonferansane, og dessutan ved utarbeidinga av budsjettproposisjonar, statsrekneskapen og andre framlegg for Stortinget. Andre oppgåver er mellom anna deltaking i internasjonalt samarbeid og utvikling av budsjettsystema.

Seksjonen består av 10 medarbeidarar. Me søkjer ein godt kvalifisert leiar med erfaring frå ansvarsområda til seksjonen. Avdelingsdirektøren inngår i leiargruppa til avdelinga.

Utdanning, erfaring og eigenskapar 

Me stiller krav om:

• Høgare utdanning (master eller høgare) med gode resultat innan økonomi. Anna høgare utdanning kombinert med relevant erfaring kan kompensera for kravet om master. 
• God samfunnsøkonomisk forståing
• God innsikt i korleis forvaltninga fungerer og god forståing av avgjerdsprosessar
• Særs god erfaring med budsjettarbeidet i departementa og kjennskap til rolla til Finansdepartementet i arbeidet opp mot regjeringa
• Innsikt i fagområda, regelverka og fagsystema seksjonen har ansvar for
• Gode leiareigenskaper og leiarerfaring
• Evne til å gjera godt greie for faglege vurderingar både munnleg og skriftleg

Personlege eigenskapar: 

• Initiativrik og løysingsorientert med evne til å sjå både heilskap og detaljar
• Dyktig til å rettleia, informera og motivera medarbeidarar
• Evne til å organisera tidskritiske leveransar med høg kvalitet og nøyaktigheit
• Stor arbeidskapasitet og evne til å takla høgt arbeidspress
• Gode samarbeidsevner

Det blir tillagd vekt at den som blir tilsett, er personleg eigna.

Hos oss får du

• Krevjande arbeidsoppgåver i eit stort, engasjerande fagmiljø
• Fagleg utvikling og gode karrieremoglegheiter
• Bidra til å løysa samfunnsoppdraget til departementet, og nærleik til viktige avgjerder
• Kunnskapsrike og hjelpsame kollegaer

Me har fleksibel arbeidstid, sommartid og medlemskap i Statens pensjonskasse, ein av Noregs beste pensjonsordningar. Les meir om å jobba i Finansdepartementet her.

Annen informasjon

Lønn: kr 1 000 000 – 1 250 000 og betalt overtid. For særleg kvalifiserte søkjarar kan høgare lønn vurderast. 

Søknadsfrist: 01.08.24

Kontakt: For ytterligere informasjon om stillingen, er du velkommen til å ta kontakt med ekspedisjonssjef Silje Gamstøbakk, e-post: silje.gamstobakk@fin.dep.no eller tlf.: 22 24 43 00/ 93 60 93 30

Det er knytt klausul om karantene og saksforbod til stillinga, jf. Karanteneloven § 14.

Stillinga er eit embete, og den som blir tilsett må derfor vera norsk statsborgar.

Bakgrunnssjekk og autorisasjon

Me gjennomfører bakgrunnssjekk på kandidaten som blir tilsett. Tilsetjing føreset at denne blir godkjend. Stillinga føreset at autorisasjon for tilgang til informasjon gradert HEMMELEG etter tryggingslova kan givast. For meir informasjon om autorisasjon, sjå her.

I samsvar med offentleglova § 25 gjer me merksame på at opplysningar om søkjaren kan bli offentleggjord sjølv om søkjaren har bede om ikkje å bli ført opp på søkjarlista. Søkjar vil bli orientert om dette på førehand.

Finansdepartementet er oppteken av mangfald og ønskjer å vera ein arbeidsplass som speglar befolkninga. Vi oppmodar alle kvalifiserte kandidatar til å søkja, uavhengig av alder, kjønn, nedsett funksjonsevne, hol i CV, nasjonal eller etnisk bakgrunn. Me er ei IA-bedrift, og i dette ligg mellom anna at vi vil sørgja for tilrettelegging på arbeidsplassen dersom det er behov for det. Alle kvalifiserte søkjarar vil bli vurderte.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/8820e00c-c870-4aa4-875f-f812a96d919a
IMPORTAPI
https://www.jobbnorge.no/ledige-stillinger/stilling/264803