88% vikariat i Gullsmedvegen bu- og avlastning

Om arbeidsstaden

Helse og velferd er ei eining med om lag 200 tilsette og blir leia av kommunalsjef. I denne eininga inngår pleie – og omsorgstenester, tildelingskontor, legetenesta, jordmortenesta, ergoterapi- og fysioterapitenesta, miljøarbeidertenesta, NAV og psykisk helse/rus/kreftomsorg og frivillig arbeid. Helse og velferd har som mål å fagleg leggje til rette med tenester tilpassa den einskilde sitt behov, slik at kvar og ein skal ha eit trygt, meiningsfylt og innhaldsrikt liv. 

Miljøarbeidartenesta yt praktisk bistand, opplæring og heimesjukepleie til personar med nedsettfunksjonsevne. Delar av tenesta er knytt til bufellesskap med heildøgnsbemanning medan ei stor del av tenstaer knytt til heimeteneste ulike stader i kommunen. 

Austevoll kommune har ny eining under oppbygging i Bekkjarvik som vil fungere som avlastningsbustad med tre omsorgsbustader i tilknytning.

Om stillinga

Gullsmedvegen bu- og avlastning har ledig 88 % vikariat som miljøarbeidar.

Stillinga er ledig snarast – til og med januar 2026.

Ansvars- og arbeidsoppgåver

• Målretta miljøarbeid og burettleiing tilpassa den einskilde sitt behov ut frå vedtak og tiltaksplanar
• Praktisk gjeremål i bustad og andre delegerte oppgåver frå teamleiar
• Me søkjer ein engasjert medarbeidar som vil vere med å utvikle tenester
• Medvirke til eit ope og positivt arbeidsmiljø, ha stå på vilje og godt humør

Kvalifikasjonskrav

Formelle kvalifikasjonskrav:

• Det krevs autorisasjon som helsefagarbeidar 
• Fagbrev som barne- og ungdomsarbeidar
• Andre utan formell kompetanse kan bli vurdert 
• Gyldig politiattest må leggast fram ved tilsetjing 
•  Førarkort klasse B God skriftleg og munnleg formidlingsevne 
• Gode datakunnskapar, kjennskap til Visma profil pasientjournalsystem er ønskjeleg 
• Søkjarar utanfor Skandinavia må dokumentere kunnskapar i norsk skriftleg og munnleg gjennom bestått B2 test i Norsk 
• Personleg eignaheit er ein føresetnad og vert særleg vektlagt

Personlege eigenskapar:

• Grunnleggande respekt for menneske og engasjement for tenester til personar med nedsett funksjonevne
• Stå roleg i krevande situasjonar
• Evne til å jobbe både i team og sjølvstendig
• Ha stå på vilje og like utfordringar
• Open, lojal og påliteleg
• Omsorgsfull, trygg og stabil
• Tilpasningsdyktig
• Gode kommunikasjons- og samarbeidsevner 
• Løysningsorientert, strukturert og tydeleg 
• Har god evne til etisk refleksjon 
• Medvirke til eit ope og positivt arbeidsmiljø, ha stå på vilje og godt humør 
• Gode gjennomføringsevner 
• Fagleg engasjement God på å møte og lese mennesker

Vi tilbyr:

• Moglegheit for fagleg utvikling i eit godt og positivt fagmiljø 
• Spanande utfordringar 
• Løn etter kvalifikasjonar 
• Gode pensjons- og forsikringsordningar

Slik søkjer du:

Send søknad og CV ved å klikke på knappen merka “Søk stilling” på denne sida. 

Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. 

Søknader kan ikkje sendast på e-post til enkeltpersonar i kommunen. 

Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/fd001917-a075-45f1-bab7-490a4b71d891
IMPORTAPI
https://www.jobbnorge.no/ledige-stillinger/stilling/270516