50 % stilling som barne- og ungdomsarbeidar

Ved Ålfoten oppvekstsenter, avdeling barnehage, er det ledig ei mellombels 50 % stilling som barne- og ungdomsarbeidar frå 27.01.25-11.06.25. Ålfoten oppvekstsenter er eit lite oppvekstsenter med ein barnehage og ein barneskule. I barnehagen har vi ei avdeling, der barn i alderen 1-6 år går saman. Deler av stillinga er knytt til SFO, der skule og barnehage har eit tett samarbeid.

Barnehagen er i stadig utvikling og ser det som viktig å halde på den gode plattforma vi har bygd opp gjennom mange år. Vi arbeider målretta i høve språk. Barnehagane i kommunen har eit tett samarbeid med felles kommunale tiltaksmodellar innan PALS og Resultatleiing. Som satsingsområde vil vi halde fram med kompetanseutviklingsprosjektet, «Inkluderande barnehage- og skulemiljø.» Psykisk helse, mangfald og samarbeid med heimen er hovudtema i satsinga.

Arbeidsoppgåver

• Arbeide målretta i høve til barnehagen sitt pedagogiske arbeid og satsingsområde, i samarbeid med resten av personalet, foreldre og andre samarbeidspartnarar
• Bidra til eit trygt og godt leike,- lærings- og arbeidsmiljø for barn og tilsette
• Bidra til eit godt samarbeid på oppvekstsenteret, og på tvers av andre tenester
• Bidra til kompetanseheving og nytenking i barnehagen

Kvalifikasjonar

• Fagbrev innan barne og ungdomsarbeid
• God skriftleg og munnleg framstillingsevne
• Gode norsk-kunnskapar
• Andre kan òg søke

Personlege eigenskapar

• Du er ein trygg, tydeleg og omsorgsfull vaksen, med god relasjonskompetanse
• Du har eit genuint ønskje om å jobbe med barn, og har kunnskap om barn si utvikling
• Du er raus og anerkjennande ovanfor barn og vaksne, og har gode samarbeids- og kommunikasjonsferdigheiter
• Du er sjølvstendig, har evne til å ta ansvar og motivere medarbeidarane dine
• Du er fleksibel og løysingsorientert og trivast i ein aktiv kvardag
• Du trivast med å vere ute i all slags ver heile året, og bruke uterommet i det pedagogiske arbeidet

Vi tilbyr

• Eit godt arbeidsmiljø der du vil møte gode kollegaer med godt humør og stå på vilje
• God pensjon og gode lånevilkår gjennom medlemskap i pensjonsordning. SPK.no- Statenspensjonskasse for undervisningspersonale og KLP.no-Kommunal Landspensjon for andre. Ordningane ein får tilgang på kan bety mykje gjennom livsløpet.
• Gode personforsikringar i arbeid og fritid
• Gode moglegheiter for vidareutdanning, fagleg og personleg utvikling. Etter nærare avtale kan etter- og vidareutdanning gjennomførast med kompensasjon frå arbeidsgjevar
• Arbeidsgjevar dekker kostnadar til arbeidsklede, jf. lokal avtale
• Senioravtale for tilsette over 62 år
• Tilsette i turnusordning får vere med på planlegging av si eiga arbeidstid og fritid. Kan vere muleg med langvakter
• Startpakke for nytilsette. Startpakka består av eit årleg tilskot på kr. 30.000,- pr år i inntil fem år.
• Rekrutteringstilskot til sjukepleiarar og vernepleiarar med kr. 30.000,-  pr år inntil 10 års ansiennitet
• Hjelp til å finne bustad og barnehageplass
• Gratis barnehage. Løpande barnehageopptak gjennom året!
• Gratis 12 timar SFO i veka for 1-3 klasse
• Sjå ledige bustadtomtar i kommunen
• Bustadtilskot til førstegongsetablerarar i Bremanger kommune på kr. 200 000,-

Kontaktinformasjon

Eldbjørg Aske Myklebust, Driftssjef Ålfoten oppvekstsenter, +47 95985266

Arbeidsstad

Ålfotevegen 52
6737 Ålfoten

Nøkkelinformasjon:

Arbeidsgivar: Bremanger kommune

Referansenr.: 4903488894
Stillingsprosent: 50%
Vikar
Søknadsfrist: 21.01.2025

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/1e6d446e-bd6b-47b5-bb7c-cbe69070797b
IMPORTAPI